件事又係沙龍落選展發生
莫奈係1874年參展
但佢拎幅睇落未完成嘅作品去參展
「日出‧印象」 莫奈(Monet)
Impression Soleil Levant, 1872, Monet
呢一幅畫就係印象派嘅正式開始
當時藝評家都恥笑佢呢幅畫，仲幫佢改埋名叫做「印象派」
因為主流繪畫係學院派，佢地接受唔到咁嘅作品
又無隱藏草稿嘅痕跡，又無做「潤飾」嘅工序
所以對佢地黎講，日出係一幅未完成嘅作品
真係好難頂喎大佬，草稿喎！畫展喎！
你會唔會扲碟唔熟嘅餸菜上枱呀
但係，印象派係一碟牛排
佢要嘅就係Medium-Rare
就係要佢個種呈現血紅色嘅肉質
要個種複雜嘅光影變化，自然陽光、時間轉移嘅瞬息萬變
明顯嘅筆法，未經潤飾嘅筆觸
引用科學嘅光譜原理，去探索光影之間嘅關係
佢地認為就算最光亮同最陰暗嘅地方都係由不同層次不同顏色嘅純色構成
莫奈(Monet)講過：「倘若你到室外作畫，試著忘卻跟前的物體，不論它是一株樹、或一片田野。只要想像這兒是小方塊的藍，那兒是長方形的粉紅，這兒是長條紋的黃，然後照著你認為的顏色和形狀去畫就是，直到符合你自己對景物本來的印象。」
呢兩個人可以話係印象派嘅開山師祖
一個係突破一切固有思想
一個創出一個未曾研究過嘅繪畫方向
佢地都顛覆傳統
成為左印象派嘅中心人物
另外有一點關於印象派都幾重要
蔣勳係書入面講到
印象派唔淨止係一種技巧，而係包含工業化城市化以後嘅中產階級對未來生活嘅美麗憧憬嘅歌頌
佢咁講主要係因為印象派畫家嘅畫畫對象選材
雷諾瓦(Pierre-Auguste Renoir)畫嘅都係衣著講究嘅紳士淑女嘅生活娛樂
反映出巴黎中產階級嘅優雅教養同時尚之美
Ball at the Moulin de la Galette,1876 Pierre-Auguste Renoir
莫奈(Monet)畫嘅係一種初期中產階級愉悅同幸福嘅事，好似火車，海邊渡假城市入面嘅中產階級
La Grenouillere, 1869 Claude Monet
書入面講嘅中產階級對未來生活嘅美麗憧憬嘅歌頌呢一點
衍生出後來嘅後印象派
因為後印象派有對抗主流、對抗城市化嘅理念
可以話對抗印象派係 後印象派出現嘅其中一個要素
而印象派係技法上又衍生出新印象派
將印象派嘅光影理論推到極致而出現
催生出點描技法嘅新印象派
就係咁樣，梵谷被印象派深深吸引住
而佢去巴黎個年又出現新印象派
一波未平一波又起
印象派同新印象派帶比佢嘅刺激係前所未有
徹底咁改變左梵谷嘅風格
佢係巴黎當時嘅畫作
點樣改變梵谷？
你睇佢嘅畫就知道表現得有幾咁明顯
你會見到佢嘅畫風從灰暗慢慢傳變為明朗，富有變化筆觸
而且係巴黎，友誼同舒適嘅環境都令佢成個人變得開朗又快樂
所以環境真係影響一個人最大嘅原因呀
你睇返佢之前荷蘭時期嘅畫作
邊有可能係同一個人畫架
變化大到你根本搵唔到任何蛛絲馬跡去證明係同一個人畫
另外佢係呢個時期都開始畫佢嘅自畫像
鍾意畫下朋友們同佢自己，朋友又會畫返佢
呢種係佢地增進友誼嘅一個方法
友人羅特列克(Lautrec)筆下嘅梵谷
係呢班朋友切磋之間，梵谷嘅創作大有進步
亦都係佢漸漸發展出佢個人獨特風格嘅時候
係未來佢更加成為後印象派嘅主要成員
No comments:
Post a Comment