[現代藝術入門（一）ep.3 ]家族大公開 - 梵谷背後嘅男人現真身

呢到拉返前小小講
梵谷到底點解會開始畫畫？
又點從宗教嘅熱情轉到去畫畫呢
咁就要睇脈絡啦

就由佢家族歷史開始講起
呢個大家族除左盛產牧師之外，仲盛產藝術經紀
有成三個叔伯都係搞藝術經紀嘅生意





當年因為佢老豆無錢比學校住宿費，梵谷只係讀左四年書就輟學
退學之後，十六歲嘅佢就跟左佢叔伯從事藝術經紀
而佢細佬(西奧Theo)之後都入左呢行，更一心志向於此
西奧就係梵谷背後嘅男人，不輪係精神定物質
佢係後面會再出場



梵谷一做就做左五年，但就唔同佢細佬
雖然工作好順利，又加人工又升職，工作上又見識到好多藝術名作，但都滿足唔到佢嘅心
佢明白到佢想追求更遠大嘅野，一種生命根本上嘅野
宗教信仰
於是放棄左份做左五年而且有大好前途嘅藝術經紀
佢仲同自己講要搵份同宗教信仰有關嘅工



之後佢做過志願教師
又去過當地最窮嘅地方傳道
為左得到牧師資格，仲去左阿姆斯特丹讀神學

不過讀左一年考試衰左

但佢無放棄，仲積極爭取做佈道者傳教，最後就係去左礦區傳教。