瓢泉，在縣東二十五里，泉為辛棄疾所得，因而名之。其一規圓如臼，其一規直若瓢。周圍皆石徑，廣四尺許，水從半山噴下，流入臼中，而後入瓢，其水澄可鑑。
——《鉛山縣志》
——《鉛山縣志》
稼軒 賀新郎(邑中園亭，僕皆為賦此詞。一日，獨坐停雲，水聲山色，競來相娛，意溪山欲援例者，逐作數語，庶幾彷彿淵明思親友之意云。)
甚矣吾衰矣。悵平生、交游零落，只今餘幾。白髮空垂三千丈，一笑人間萬事。問何物、能令公喜？我見青山多嫵媚，料青山、見我應如是。情與貌，略相似。
一尊搔首東窗裡。想淵明、停雲詩就，此時風味。江左沈酣求名者，豈識濁醪妙理？回首叫、雲飛風起。不恨古人吾不見，恨古人、不見吾狂耳。知我者，二三子。
稼軒出仕同隱居
係長長嘅歷史文字記載都幾複雜
我地暫時可以簡化成咁理解：
少年＞回歸南宋＞投閒置散＞隱居帶湖＞出仕＞隱居瓢泉＞出仕＞隱居瓢泉至死
我地大致都講過隱居帶湖嘅日子
十年帶湖，五十二歲又再出仕
以稼軒嘅諗法、性格
大家唔難想像，稼軒又被彈劾罷官
本身都係返去帶湖隱居
但不幸失火，成個豪宅別墅無哂
於是去另一到嘅豪宅別墅
瓢泉之名，乃稼軒取自《論語》：
一簞食，一瓢飲，在陋巷，人不堪其憂，回也不改其樂，賢哉回也！
稼軒嘅「陋巷」當然係好豪華啦
係呢段瓢泉隱居時期，出仕再受挫敗
佢嘅報國之心，亦都無以前咁濃烈啦
稼軒 賀新郎(邑中園亭，僕皆為賦此詞。一日，獨坐停雲，水聲山色，競來相娛，意溪山欲援例者，逐作數語，庶幾彷彿淵明思親友之意云。)
甚矣吾衰矣。悵平生、交游零落，只今餘幾。白髮空垂三千丈，一笑人間萬事。問何物、能令公喜？我見青山多嫵媚，料青山、見我應如是。情與貌，略相似。
嫵媚：可愛貌
詞題之「停雲」
即係稼軒係瓢泉所建嘅停雲堂
每到瓢泉嘅園亭，詞人都會寫返首詞
詞人「獨坐」停雲堂，正係園亭之一
幻想自然美景同緊自己對話，故寫下此詞
自覺有幾分陶淵明詩中思親友之意
稼軒視大自然為親友，與之對話
上半片抒發年華老去之情
淡泊中有幾分寂寞
《論語·述而》：
甚矣吾衰也！久矣吾不復夢見周公。
起首之引用，孔子不復夢周公之悲哀
好深刻揭示稼軒對朝野嘅失望
大抵係稼軒不復夢北伐之事吧！
「悵平生、交游零落，只今餘幾」
稼軒一生交友眾多
呢邊講嘅，或者係朋友老亡嘅寂寞
知音太少，死餘返幾個
好似朱熹、陳亮、洪邁都唔係到啦
酒亦關人何事，正自能不爾，誰遣白衣來。醉把西風扇，隨處障塵埃。
「白髮空垂三千丈，一笑人間萬事」
稼軒年老，似乎開始無咁執著
反正都就死啦，仲咁固執做咩呢？
人間萬事，如今只好一笑置之
近來何處，有吾愁，何處還知吾樂？一點淒涼千古意，獨倚西風寥廓。
「問何物、能令公喜？」
稼軒自問：
又有咩事物，可以令我開心呢？
「我見青山多嫵媚，料青山、見我應如是」
對比昔日之自問自答
而家真係能夠感受大自然嘅樂趣
呢一句亦係宋詞名句，好出名
物我之間，係互動嘅生命關係
高聲誰和余？空谷清音起。非鬼亦非仙，一曲桃花水。
「情與貌，略相似」
嫵媚唔止講外貌，更係講情韻
我觀物，物顯我
兩者係平等咁欣賞彼此
呢一種深情，引出詞人之奇想
物我互生，感通有情眾生
呢種感受，稼軒老年感受特別深刻
知音逝去，理想無望
朝野昏君，國家將亡
除大自然外，再無事物令人喜悅
潛藏孤寂、蕭索嘅心情
一尊搔首東窗裡。想淵明、停雲詩就，此時風味。江左沈酣求名者，豈識濁醪妙理？回首叫、雲飛風起。不恨古人吾不見，恨古人、不見吾狂耳。知我者，二三子。
江左：江東
濁醪：濁酒
下半片拈出陶淵明〈停雲〉
〈停雲〉四首，有思念親友、隱居閒樂、關懷世亂之情
上半片已經表達前兩者之感受
下半片則入稼軒老年對人世嘅關心
「一尊搔首東窗裡」
描繪陶淵明寫罷〈停雲〉嘅喜悅之情
「想淵明、停雲詩就，此時風味」
稼軒建停雲堂，表達對陶淵明嘅敬佩
而對〈停雲〉四首，都好鍾情
今日復何日，黃菊為誰開？淵明謾愛重九，胸次正崔嵬。
「江左沈酣求名者，豈識濁醪妙理」
昔日東晉果堆追求功名嘅士人
又點會明白陶淵明飲酒田園嘅高潔？
田園，係對朝野嘅反抗
須信此翁未死，到如今凜然生氣。吾儕心事，古今長在，高山流水。
「回首叫、雲飛風起」
稼軒老年回首，亦如陶淵明回首
昔日為家國，都曾經付出無數血汗
少年起義，斬奸人於萬軍之中
然而一切已成過去，只能「回首叫」！
「不恨古人吾不見，恨古人、不見吾狂耳。知我者，二三子。 」
稼軒寫此詞時，大概已經六十歲
距離病死，只係得返八年
人生末路，英雄本色依然不改
上言青山，講與自然之交感
下說古人，抒發歷史之懷抱
以上兩者都係稼軒生命極為重要嘅方面
可以連繫曾經講過嘅詞作
岳珂《桯史 ·卷三》記：
辛棄疾每逢宴客，必命侍姬歌其所作。特好歌《賀新郎》一詞，自誦其警句曰：'我見青山多嫵媚，料青山見我應如是。又曰：不恨古人吾不見，恨古人不見吾狂耳。每至此，輒拊髀自笑，顧問坐客何如。
稼軒富有歷史懷抱，成日引典故
因此，佢確可以話係見盡古人
但係詞人敬佩嘅古人，好似陶淵明咁
卻無機會見識到稼軒嘅狂放
人生盡頭，除卻自然，只餘古人
然而古人已逝，唔會知道今人嘅存在
對稼軒黎講，係幾咁寂寞呀！
因此最後再引《論語》，上連起首
二三子以我為隱乎？吾無隱乎爾。
稼軒之二三子，除逝世嘅友人
或者更係講緊同歷史古人嘅感通
正係呢首詞主題嘅「思親友」
而所表達老年複雜嘅心境
又點止呢三個字？
呢首詞，值得大家一讀再讀
No comments:
Post a Comment