[古典文學入門（一）ep.14]永垂不朽的曇花一現 讀陶淵明桃花源記

對於我們所認識的作者、作品

我地成日可以反思一個問題：

點解我地會對佢有呢種認識？

除非我地睇哂作者嘅所有作品
否則必然涉及我地點樣認識佢嘅問題

經由教科書、選本，甚至我而家做緊介紹
都係出自某一文學觀念

而我地係咪只能夠甘於如此呢？

陶淵明嘅桃花源記
不論邊個地方、邊個人講起佢，都一定要提及呢篇

因為桃花源記，係陶淵明嘅集文學大成之作

我地以前係教科書讀過，相比而家經過左咁多篇章嘅閱讀

再去睇呢篇大成之作，所能夠體會、感受嘅嘢，一定好唔同

呢樣就係文學，我地唔可以直接跳去結局
因為咁樣，你根本感受唔到結局嘅深刻

其實桃花源記成篇都好鬼淺白，唔需要翻譯

我係到強調嘅係
讀桃花源記必須動用哂我地讀過嘅一切陶淵明作品

愈讀得多，愈能夠品味出當中真味

以下係我區分嘅三方面：

1. 陶淵明嘅田園生活實踐--->讀山海經十三首其一、歸去來辭並序
2. 陶淵明對志怪、神仙嘅傳承--->讀山海經十三首、止酒
3. 陶淵明活係魏晉時代所生嘅思想--->挽歌詩三首、雜詩十二首、飲酒二十首 

晉太原中，武陵人，捕魚為業，緣溪行，忘路之遠近。忽逢桃花林，夾岸數百步，中無雜樹，芳草鮮美，落英繽紛，漁人甚異之﹔復前行，欲窮其林。林盡水源，便得一山。山有小口，彷彿若有光，便舍船，從口入。

「忘」之一字，可盡破以桃花源記之地為紀實嘅學者，何必穿鑿附會

桃花源是超脫世俗之地，佢嘅美妙，正在於佢不存於現實

因此是「緣」、「忽逢」，係一步一步嘅探索，係非功利嘅
「舍」去一切，先入得到桃花源

初極狹，纔通人；復行數十步，豁然開朗。土地平曠，屋舍儼然。有良田美池桑竹之屬，阡陌交通，雞犬相聞。其中往來種作，男女衣著，悉如外人﹔黃發垂髫，并怡然自樂。見漁人，乃大驚，問所從來，具答之，便要還家，設洒殺雞作食，村中聞有此人，咸來問訊。自云先世避秦時亂，率妻子邑人，來此絕境，不復出焉﹔遂與外人間隔。問今是何世，乃不知有漢，無論魏、晉。此人一一為具言所聞，皆嘆惋。余人各復延至其家，皆出洒食。停數日辭去，此中人語云：「不足為外人道也。」

1. 陶淵明嘅田園生活實踐--->讀山海經十三首其一、歸去來辭並序
   
   點解陶淵明所寫嘅桃花源，唔係好似西方嘅天堂，又或者佛家嘅西方極樂？
   「有良田美池桑竹之屬」
   陶淵明心中嘅樂土，並唔係咩都唔使做，咩都解決到嘅仙境
   而係一個樸素嘅田園生活，呢到亦都係反映左佢現世主義嘅思想
   生活必須係落實係土地
   
   
   

   
   讀山海經十三首 - 其一

   孟夏草木長，繞屋樹扶疏。
   衆鳥欣有託，吾亦愛吾廬。
   
   歸去來辭並序
   園日涉以成趣，門雖設而常關。
   雲無心以出岫，鳥倦飛而知還。
   呢一種田園生活，正正就係陶淵明最享受樂土
   大家可以細細品味 
   
   
2.  陶淵明對志怪、神仙嘅閱讀同傳承--->讀山海經十三首、止酒
   
   係陶淵明之前，世人對所謂理想世界嘅幻想，可見於《禮記》
   孔子曰：「大道之行也，與三代之英，丘之未逮也，而有志焉。大道之行也，天下為公，選賢與能，講信修睦。故人不獨親其親，不獨子其子；使老有所終，壯有所用，幼有所長，矜、寡、姑、獨、廢、疾者皆有所養。男有分，女有歸。貨惡其棄於地也，不必藏於己；力惡其不出於身也，不必為己。是故謀必而不興，盜竊亂賊而不作；故外戶而不閉。是謂『大同』。」
   簡單講，呢個倫理分明，長幼有序嘅大同世界
   並唔係一個吸引人嘅文學故事
   
   
   桃花源記之所以可以永垂不朽
   當中描述嘅動人、吸引，係非常關鍵
   首先陶淵明因為對神仙志怪嘅書有大量閱讀
   對呢一方面嘅想像係豐富嘅
   但佢並唔係抄哂所有嘢，反而係用黎寫返自己嘅故仔
   「土地平曠，屋舍儼然」
   「男女衣著，悉如外人」
   架空而貼地，先可以廣傳於眾，先可以永垂不朽
   
   止酒
   
   從此一止去，將止扶桑涘。
   清顏止宿容，奚止千萬祀。
   充滿神仙幻想嘅陶淵明，成就左佢嘅桃花源記
   呢個又何嘗唔係另一種意義嘅仙境呢？ 
   
   
   

   
   
    
   既出，得其船，便扶向路，處處志之。及郡下，詣太守說此。太守即遣人隨其往，尋向所志，遂迷不復得路。南陽劉子驥，高士也，聞之，欣然規往，未果，尋病終。后遂無問津者。
   
   
3.  陶淵明活係魏晉時代所生嘅思想--->輓歌詩三首、雜詩十二首、飲酒二十首
   
   雜詩十二首 - 其一
   
   憶我少壯時，無樂自欣豫。
   猛志逸四海，騫翮思遠翥。
   
   飲酒二十首 - 其十六
   
   少年罕人事，游好在六經。
   行行向不惑，淹留遂無成。
   
   
   「自云先世避秦時亂，率妻子邑人，來此絕境」
   論者多有指，因為陶淵明所生時代黑暗，政治動亂
   呢一種描寫，係陶淵明嘅寄託
   少年曾有壯志，當然隱含左對時局嘅不滿啦
   但我地係呢邊必須問一個問題：
   點解離開之後，「遂迷不復得路」
   永遠再無方法入得返桃花源呢？
   
   
   表層而言：
   「太守」係一種政治介入，咁桃花源係避世嘅
   咁當然唔可以比佢搵到啦
   呢邊亦順便解釋左，點解要係漁夫先入得到桃花源
   
   
   深層黎講：
   桃花源本身就係一個美好幻想之世界，係一個超越現實嘅地方
   所以桃花源必須曇花一現，正如所有理想世界都只能存在於理想入面
   因為理想一變做現實，果個就唔再係理想
   桃花源一旦變成現實中任何一個地方，都必然會沾污
   EG：大陸有所謂嘅桃花源紀實地方，你睇吓佢係咪真係桃花源？
   
   
   

晉太原中，武陵人，捕魚為業，緣溪行，忘路之遠近。忽逢桃花林，夾岸數百步，中無雜樹，芳草鮮美，落英繽紛，漁人甚異之﹔復前行，欲窮其林。林盡水源，便得一山。山有小口，彷彿若有光，便舍船，從口入。

初極狹，纔通人；復行數十步，豁然開朗。土地平曠，屋舍儼然。有良田美池桑竹之屬，阡陌交通，雞犬相聞。其中往來種作，男女衣著，悉如外人﹔黃發垂髫，并怡然自樂。見漁人，乃大驚，問所從來，具答之，便要還家，設洒殺雞作食，村中聞有此人，咸來問訊。自云先世避秦時亂，率妻子邑人，來此絕境，不復出焉﹔遂與外人間隔。問今是何世，乃不知有漢，無論魏、晉。此人一一為具言所聞，皆嘆惋。余人各復延至其家，皆出洒食。停數日辭去，此中人語云：「不足為外人道也。」

既出，得其船，便扶向路，處處志之。及郡下，詣太守說此。太守即遣人隨其往，尋向所志，遂迷不復得路。南陽劉子驥，高士也，聞之，欣然規往，未果，尋病終。后遂無問津者。

桃花源記嘅影響極大，古今中外，各處一直都有桃花源記嘅影子

尤其中國古代，士人一直將呢個世界視作夢想之鄉

即使今時今日，有舞台劇，有繪本，有小說
仲係不斷改編緊呢個故仔

呢一切，都源自陶淵明係魏晉時代寫嘅桃花源記

曇花一現的桃花源記，桃花源記的永垂不朽
盡見陶淵明嘅文學大成