[古代思想入門（二）後記]是而不用，非而不息 韓非子講後記

細個讀書，好鍾意殘章斷句咁讀
慢慢會發現，散亂咁睇書無咩印象可言
人類係讀書學習，係要講求系統嘅 
中國思想講過荀子，一定要睇埋韓非子
荀韓，好似孔孟、老莊咁
我地要從兩者間對讀，發掘同異
為所學習嘅知識，繪畫地圖
否則一切都會煙消雲散，隨風而逝 

[古代思想入門（二）ep.15]革命烈士：法術之士的悲劇 悲讀韓非子孤憤篇

秦王見＜孤憤＞﹑＜五蠹＞之書，曰：「嗟乎！寡人得見此人與之游，死不恨矣！」
——《史記．老子韓非列傳》

凡一革命，必有流血之烈士 
文化思想之革命，必伴隨社會之陣痛
流血、陣痛，始能誕生新之事物
由此，我地黎到韓非法家思想嘅最後一篇
孤憤，即孤行耿直，憤世嫉俗之意 

唔經唔覺，已經黎到最後一篇
我地讀過嘅韓非子篇章 
顯學篇：反對儒墨嘅主流思想
五蠹篇：進化歷史觀、自利人性觀、實效價值觀
定法篇：法、術之定義
難勢篇：勢之定義，提人設之勢
二柄篇：談賞罰為君術之重要工具
外儲說左上篇、六反篇：分析韓非如何控制人性
主道篇、解老篇、喻老篇：談韓非由道入法
愛臣篇：法家君主專制之提倡
說難篇：思想家進諫之困境

[古代思想入門（二）ep.14]龍之逆鱗！思想家進諫君主之難 細讀韓非子說難篇

李斯使人遺非藥，使自殺。韓非欲自陳，不得見。秦王後悔之，使人赦之，非已死矣。申子、韓子皆著書，傳於後世，學者多有。余獨悲韓子為說難而不能自脫耳。
——《史記．老子韓非列傳》

韓非思想以富國強兵之現實關懷為目標 
相對其餘先秦諸子，易於理解
我地對上咁多篇，已經點出韓非思想嘅整體架構
中主而治
法、術、勢
進化歷史觀、自利人性觀等
都一一說明，點出最重要嘅部份 

[古代思想入門（二）ep.13]結構性轉型：由封建制到君主專制 翻讀韓非子愛臣篇

法家所開出的政治格局就是由「廢封建，立郡縣」而完成「君主專制」的政體。大家不一定明白「君主專制」這政治格局的由來及其意義，這是法家配合春秋戰國時代政治社會之需要轉型而完成之，所開出的政治格局。法家人物現實感很強，因此能夠擔當時代所需要的工作。
——牟宗三

我地之前講過，法家思想的革命性有二：
一、否定前人主流思想，提出另一有力之論述
二、反對分封世襲制度，建立中央集權制度
前者係思想嘅革命，只係言說嘅話，無咁大影響力
後者係思想落實社會嘅呈現，影響到成個中國朝代發展
中國自始由秦至清，都係君主專制 

[古代思想入門（二）ep.12]由道入法：韓非與道家之同異 並讀韓非子主道篇、解老篇、喻老篇

道家有「虛靜」之說，以養智慧；韓子取之，以助其統治之術，於是人主以靜制動，以深智觀臣下之行事，而駕御益得方矣。
——勞思光

《史記．老子韓非列傳》： 
韓非者，韓之諸公子也。喜刑名法術之學，而其歸本於黃﹑老。
法家諸子，其實已經成日提道家學說 
好似之前提到嘅慎到正係一例
史記入面提到，韓非嘅學說來自道家
而韓非又有寫過三篇道家學說嘅文
係唔同篇章，都有反覆挪用道家概念 

[古代思想入門（二）ep.11]簡介基本古代思想概念：性 兼讀韓非子外儲說左上篇、六反篇之控制人性的趨利避害

簡單的說，慎到和韓非關於人性的認識可以用「因勢自為」四個字表達，亦即因應情勢，人性人情總是尋求自己最方便，自己最舒適，以及自己最有利的方式展形具現。
——許雅棠

性，即係人性 
思想家點樣睇人嘅本性係好重要
係韓非之前之後，性都有好多唔同嘅討論
呢到只能簡介先秦諸子對性嘅定義
大抵可以分為四種類型 

[古代思想入門（二）ep.10]為君之術，去除好惡 再讀韓非子二柄篇（二）

術者，藏之於胸中，以偶眾端，而潛御群臣者也。故法莫如顯，而術不欲見。
——韓非子難三篇

韓非子二柄篇共三段，主講君術
第一段講賞罰之權須操之於君
第二段講審合刑名以實施賞罰
去到今篇要講嘅第三段
法家講人性自私自利
竟然反轉要求君主去除好惡之情 

[古代思想入門（二）ep.9]賞罰之道，法、術、勢合一 細讀韓非子二柄篇（一）

柄，猶言權，二柄，謂賞罰之權也。賞罰之權須操之於君，猶物柄之須執於手也。
——《增訂韓非子校譯》

韓非成日講法、術、勢
雖然理論上我地可以將佢地分開
但係呢三樣嘢其實係不能分割，互為一體 
有法：則術、勢之發用，始有根據之標準
有術：則法、勢之固文，始有運用之方法
有勢：則法、術之執行，始有推動之力量

[古代思想入門（二）ep.8]人設之勢：任賢不如任勢 再讀韓非子難勢篇（二）

韓子以為「生在上位」為「自然之勢」，此蓋為當時制度所蔽。本來由此可引出一制度問題，即「能否設一制度，使得勢者皆必以『賢』為條件？」但韓子不能深思，亦無意於改革根本制度，故竟以生而在上位為「自然之勢」。
——勞思光

上篇詳細咁講解前人對勢嘅睇法
前期法家慎到講，任勢位治世
儒家主張一定要由賢人治國
第三段就講，韓非對勢嘅睇法 

[古代思想入門（二）ep.7]簡介基本古代思想概念：勢 兼讀韓非子難勢篇（一）之慎到與儒家

勢治之起，基於尊君。封建盛世，君主與貴族世臣分權守位，上下相維各有定界，君主殆無獨尊之義。……儒家之尊君，意在矯臣強之失，非以尊君為政治之目的也。及權臣僭國，漸致富強，公族世臣，消亡殆盡，中央集權，已成事實，則君之受尊，遂有不得不然之勢。法家承認此新史實而加以說明，權勢之理論，於是成立。
——蕭公權

韓非子全書，有好多篇「難」嘅論文 
難一、難二、難三、難四篇
更有難言、說難篇
難，除左有困難之意
亦表達辯駁爭論、質詢疑難 

[古代思想入門（二）ep.6]簡介基本古代思想概念：法、術 細讀韓非子定法篇之法術並重

韓非是戰國末年人，他已經將法家區分為重法、重術和重勢三派，分別以商鞅、申不害、慎到三人為代表；而且，進一步強調，法、術、勢三者相輔而相成，不可偏廢。韓非於「刑名法術之學」，兼取商鞅﹑申不害和慎到諸家，又頗申發己見，故學者譽之為集法家之大成。
——陳榮捷

韓非子嘅政治思想，係以君主為核心
儒家認為，君主要有仁德有修養，先可以治理好國家
但韓非就話：咁樣根本唔可行！ 
要等賢人，有如守株待兔
即使等到明主，但下一個又會係明主咩？

[古代思想入門（二）ep.5]功利務實：國家的五種蛀木蟲 再讀韓非子五蠹篇（三）

諸子百家當中，法家最為激進。它否認儒家的道德標準，也否認墨家的宗教規範，它相信的只是權力。除了人君以外，它不相信任何的權威，更不承認任何的前言往行。……古代的學派當中，它是唯一始終持續不斷，力反傳統的，它不崇拜儒者所尊奉的堯舜，或墨者所禮信的大禹等聖王。它瞻前而不反顧，創新而不墨守。浮言虛辭﹑空談仁義，它摒棄不用，只要求實在的事功。
——陳榮捷

韓非子呢篇名為五蠹
即係針對法家眼中五種有害國家嘅人 
《說文解字》段玉裁注：
蠹：木中蟲。在木中食木者也。今俗謂之蛀。
國家好似古人居住嘅木屋咁
木屋有蛀木蟲，變危樓隨時崩潰呀！ 

[古代思想入門（二）ep.4]法治之必要：韓非人性、價值觀 細讀韓非子五蠹篇（二）

商、韓言法，則人君之地位超出法上，其本身之守法與否不復成問題，而惟務責親貴之守法君主專制之理論至此遂臻成熟，而先秦「法治」思想去近代法治思想亦愈遼遠矣。 
——蕭公權

五蠹篇呈現韓非子法治理論嘅思想基礎
1.改革嘅歷史觀
2.自利嘅人性觀
3.實效嘅價值觀
上篇已經詳講第一點
今次就會主力講第二、三點 
建基於以上三種觀念
表達出韓非子主張法治治國之必要

[古代思想入門（二）ep.3]簡介基本古代思想概念：法先王、法後王 兼讀韓非子五蠹篇（一）之歷史省察

孕育滋養此諸觀念之歷史環境，一言以蔽之，即封建天下崩潰過程中之種種社會政治事實而已。
——蕭公權

思想家論述佢嘅一家之言
必然係無法抽離呢個世界既成嘅過去
學術少少講，即係歷史 
如何看待歷史呢個問題係好重要嘅
不論古今中外嘅思想，都必然涉及歷史觀

[古代思想入門（二）ep.2]否定的肯定：無益於今，儒墨皆廢 共讀韓非子顯學篇

顯學，士之積學而有功者，韓之所謂士之能享大名，顯當世者是也。
——《韓非子解詁》

我地要理解韓非子嘅思想
與其泛泛而論，睇原文更加重要 
韓非子嘅文章嚴謹，絕對係出色嘅古文
好多今日仲用緊嘅成語，都係出自佢
好似自相矛盾、守株待兔等

連周伯通講左右互搏點練果句：
右手畫圓，左手畫方
正係黎自韓非子嘅比喻 
睇韓非子嘅原文經典
唔止了解思想，仲可以學到文句

[古代思想入門（二）ep.1]亂世的浮萍：韓非子思想之起源

韓非者，韓之諸公子也。喜刑名法術之學，而其歸本於黃、老。非為人口吃，不能道說，而善著書。與李斯俱事荀卿，斯自以為不如非。非見韓之削弱，數以書諫韓王，韓王不能用。於是韓非疾治國不務脩明其法制、執勢以御其臣下﹑富國彊兵，而以求人任賢，反舉浮淫之蠹而加之功賞之上；以為儒者用文亂法，而俠者以武犯禁……秦王悅之，未信用。李斯、姚賈害之，毀之曰：「韓非，韓之諸公子也。今王欲并諸侯，非終為韓，不為秦，此人之情也。今王不用，久留而歸之，此自遺患也。不如以過，法誅之。」王以為然，下吏治非。李斯使人遣非藥，使自殺。韓非欲自陳，不得見。秦王後悔之，使人赦之，非已死矣。 
——《史記．老子韓非列傳》

韓非子嘅一生，真係見者傷心，聞者流淚 
古代嘅思想家，現代嘅學者，口才都係好重要
死剩把口，靠吹水搵食
但係大思想家韓非子係天生口吃 
既然無方法口講，只好轉而思考、著書
好難想像一個思想咁豐富嘅人
無方法用語言即時令其他人清晰了解
呢種感覺，一定係非常難受

[古代思想入門（二）引子之二]從Glenn之死講解法家思想「革命」何在

https://www.youtube.com/watch?v=Ndh3yVIVD98

Negan一棍打爆Glenn個頭 
呢一幕，真係令唔少Walking dead劇迷心碎
凹頭凸眼嘅死相極為慘烈，仲引起Fans揚言棄劇
Glenn係第一季已經出現，親切嘅形象深入人心
但係，我地可以問一個問題：
點解Glenn咁受歡迎，佢係劇入面嘅意義係咩？ 

[古代思想入門（二）引子]儒家與法家：Rick and Negan

"We were trapped. Glenn didn't know you, but he helped you. He put himself in danger for you. And that started it all. From Atlanta to my daddy's farm to the prison to here. To this moment now. Not as strangers, as family. Because Glenn chose to be there for you that day a long time ago, that was the decision that changed everything. It started with both of you, and it just grew. All of this. To sacrifice for each other. To suffer, to stand, to grieve, to give, to love, to live. To fight for each other. Glenn made the decision, Rick. I was just following his lead.“

https://www.youtube.com/watch?v=fGYDfLyhZy0

Walking dead嘅故事係咁開始嘅 
正如大部份喪屍災難片，忽然之間就有病毒啦
Rick就係主角，識左一堆人，原本係警察嘅佢領導大家生存
去唔同地方，殺喪屍，搵食物，成個社會已經崩潰
呢邊唔細講故事，大家Google吓都有