顯學，士之積學而有功者，韓之所謂士之能享大名，顯當世者是也。
——《韓非子解詁》
我地要理解韓非子嘅思想——《韓非子解詁》
與其泛泛而論，睇原文更加重要
韓非子嘅文章嚴謹，絕對係出色嘅古文
好多今日仲用緊嘅成語，都係出自佢
好似自相矛盾、守株待兔等
連周伯通講左右互搏點練果句：
右手畫圓，左手畫方
正係黎自韓非子嘅比喻
睇韓非子嘅原文經典
唔止了解思想，仲可以學到文句
我地之前講過，韓非子反對當時嘅主流思想
係未正式深入韓非嘅思想之前
係到先讀佢嘅顯學篇，睇佢點睇儒、墨兩家
韓非嘅批評，係咪真係咁到肉呢？
韓非子 顯學篇
世之顯學，儒、墨也。儒之所至，孔丘也。墨之所至，墨翟也。……孔子、墨子俱道堯、舜，而取舍不同，皆自謂真堯、舜，堯、舜不復生，將誰使定儒、墨之誠乎？殷、周七百餘歲，虞、夏二千餘歲，而不能定儒、墨之真，今乃欲審堯、舜之道於三千歲之前，意者其不可必乎！無參驗而必之者、愚也，弗能必而據之者、誣也。故明據先王，必定堯、舜者，非愚則誣也。愚誣之學，雜反之行，明主弗受也。
參驗：可供檢驗證實
必：必定如此
弗能：不能
顯學，即係當時主要嘅思想學派
韓非子一開波就一棍打落去儒、墨兩家嘅頭
你地兩派都話自己係「法先王」
即係視堯、舜兩位中國古代聖人為思想起源
但係呢，你地都得個吹字咋
「皆自謂真堯、舜，堯、舜不復生，將誰使定儒、墨之誠乎？」
聖人死左，你地點吹都得啦，死無對證
邊個可以話你地係真定係假？
儒、墨兩家都係主張法古
即係希望可以返去古代嘅理想世界
但法家思想絕不泥古
現實世界本身就係不斷改變
思想需要革命，點可以信過去嘅傳說呢？
「無參驗而必之者、愚也，弗能必而據之者、誣也。」
無法檢驗嘅嘢，你竟然信到十足十，死蠢
唔可以肯定嘅嘢，居然講出黎教人，神棍
韓非子開首立論即係：
儒、墨兩家都係「愚誣之學，雜反之行」
自愚誣之學、雜反之辭爭，而人主俱聽之，故海內之士，言無定術，行無常議。夫冰炭不同器而久，寒暑不兼時而至，雜反之學不兩立而治。今兼聽雜學繆行同異之辭，安得無亂乎？聽行如此，其於治人又必然矣。
儒、墨兩家，本身都係互不相容
但根據韓非嘅觀察，竟然唔少君主兩樣都受
結果就係令到大家：
「言無定術，行無常議」
「今兼聽雜學繆行同異之辭，安得無亂乎」
哇，呢個世界咁亂咪就係因為咁囉！
人主＞聽儒、墨講＞治理國家＞混亂
換言之，呢到係光明正大咁同人主講：
你地千其唔好再信佢地呀！
國平則養儒俠，難至則用介士，所養者非所用，所用者非所養，此所以亂也。且夫人主於聽學也，若是其言，宜布之官而用其身；若非其言，宜去其身而息其端。今以為是也而弗布於官，以為非也而不息其端，是而不用，非而不息，亂亡之道也。
宜布之官而用其身：官府公布，並任用他
呢段韓非指出一個重點：
儒、墨兩家嘅主張，根本唔符合現實世界嘅需求
國家太平就養儒、墨兩家嘅人
但當國家有難，就用士兵去打仗
「所養者非所用，所用者非所養」
國家養嘅人，竟然係無用嘅人
而用嘅人，又唔係國家善待嘅人
如果君主聽完佢地講，覺得好嘅
就應該請佢地出仕做官，做實事
反之就請佢地走，唔好再吹水
「是而不用，非而不息」
而家君主留佢地又唔用佢地
唔信佢地又唔請佢地走
咁咪係「亂亡之道」，必死無疑
故明主舉實事，去無用，不道仁義者，故不聽學者之言。今不知治者必曰：「得民之心。」欲得民之心而可以為治，則是伊尹、管仲無所用也，將聽民而已矣。民智之不可用，猶嬰兒之心也。夫嬰兒不剔首則腹痛，不揊痤則寖益，剔首、揊痤必一人抱之，慈母治之，然猶啼呼不止，嬰兒子不知犯其所小苦，致其所大利也。今上急耕田墾草以厚民產也，而以上為酷；修刑重罰以為禁邪也，而以上為嚴；徵賦錢粟以實倉庫且以救饑饉備軍旅也，而以上為貪；境內必知介，而無私解，并力疾鬥所以禽虜也，而以上為暴。此四者所以治安也，而民不知悅也。夫求聖通之士者，為民知之不足師用。昔禹決江濬河而民聚瓦石，子產開畝樹桑鄭人謗訾。禹利天下，子產存鄭，皆以受謗，夫民智之不足用亦明矣。故舉士而求賢智，為政而期適民，皆亂之端，未可與為治也。
呢段結論寫得非常精彩，文氣一貫相連
明主要做實事，踢走無用嘅人，唔需要講仁義
唔識治理嘅人咪講，一定要有民心囉
但民智同BB差唔多，唔可以聽架！
「嬰兒子不知犯其所小苦，致其所大利也」
BB根本唔明受少少苦，可以令到佢地將來更好
韓非舉四個實例講：
今上急耕田墾草以厚民產也，而以上為酷＞急於耕田，以令產出更多
修刑重罰以為禁邪也，而以上為嚴＞修訂嚴法，禁止奸邪
徵賦錢粟以實倉庫且以救饑饉備軍旅也，而以上為貪＞收錢為左準備災難意外可用
境內必知介，而無私解，并力疾鬥所以禽虜也，而以上為暴＞為國從軍，增強軍力
呢四樣嘢，人民居然認為係酷、嚴、貪、暴
人民都係短視近利，仲點信佢地？
「故舉士而求賢智，為政而期適民，皆亂之端，未可與為治也」
儒家：家族、人治、感化
墨家：天下、天治、尚同
法家：國家、法治、干涉
以現實可供應用，係亂世即時有效，必定係法家思想
求賢智，求民心，係未成熟嘅時候，反係混亂嘅開始
韓非主張嘅現實關係，韓非嘅救國之心
正顯現係佢如何批判其他思想
否定，正係肯定嘅重要過程
No comments:
Post a Comment