東坡 鷓鴣天(林斷山明竹隱牆)
林斷山明竹隱牆。亂蟬衰草小池塘。翻空白鳥時時見。照水紅蕖細細香。
村舍外，古城旁。杖藜徐步轉斜陽。殷勤昨夜三更雨，又得浮生一日涼。
此詞著重「閒心」，係泛情之作
呢種作品，本來就唔需要多加文字解釋
景與目遇，境由心造，我地要全情代入其中
一邊讀一邊想像自然景觀嘅美妙
伴隨東坡緩步村野，睇山村田野嘅萬千變化
漫步山林，陽光從樹蔭嘅夾縫漏出
忽然眼前一亮，刺得一陣暈眩
背後嘅樹林斷盡，連綿明媚嘅山景
竹林疏漏，藏不住民家嘅屋牆
路邊嘅小池塘無人打理
蟬隱身係衰敗嘅野草中亂鳴
遠眺、低頭
群鳥飛翔於空，水光映照
白紅二色，可以嗅出荷花細嫩嘅香氣
村舍外，古城旁。杖藜徐步轉斜陽。殷勤昨夜三更雨，又得浮生一日涼。
夕照轉影，別過村舍
走近古城旁，一切都係隨心而行
閒心係了無牽掛嘅心境
除去一切功利嘅欲望
一根杖藜，徐步四野
無所謂的目的地
腳底碰觸大地
感受上天昨晚賜予大地嘅雨水
行到水窮處，坐看雲起時。
人閒桂花落，夜靜春山空。
美，本來係無意間偶遇嘅景致
《莊子·刻意》：
「其生若浮，其死若休」
人生於世間猶如係水面飄浮
死亡好似辛苦之後終於可以休息
又得浮生一日涼，人生漫漫長途
有時必須悠閒徐行，吹住微風，身心涼快
擁抱閒心，方可由生活中偶遇藝術之美
No comments:
Post a Comment