孕育滋養此諸觀念之歷史環境，一言以蔽之，即封建天下崩潰過程中之種種社會政治事實而已。
——蕭公權
——蕭公權
思想家論述佢嘅一家之言
必然係無法抽離呢個世界既成嘅過去
學術少少講，即係歷史
如何看待歷史呢個問題係好重要嘅
不論古今中外嘅思想，都必然涉及歷史觀
中國古代嘅思想主流係法先王
咩叫法先王呢？
最顯著如儒家，以古代先王為終極榜樣
堯、舜、禹、湯、文、武、成王、周公……
古代聖人萬事好，我地要追求嘅嘢回到當時盛世
墨子都係響嚮往先王過去嘅美好
老子提出小國寡民，雖然唔講先王
多少都有復古嘅傾向，歷史唔係進步嘅
同樣係儒家中人，荀子提出嘅係法後王
「凡禮，始乎梲，成乎文，終乎悅校」
到底「禮」應該點實際發展呢？
最初開始＞梲（非常簡略）＞文（開始有制度，有修飾）＞悅校（情同禮之間嘅平衡恰到好處）
荀子提倡歷史係會進步架
「將原先王，本仁義，則禮正其經緯蹊徑也」
其實荀子都有提法先王，即係向前人聖賢學習
唯有將先王聖賢當做老師，咁嘅心態學禮先係正軌
韓非子呢到應該受荀子影響
但相對荀子尚有講返聖人，韓非則全部否定
古代嘅政策根本唔係用返係當代
制度，必須因應當下嘅社會現況而定
講咩古人，「託古改制」係虛偽嘅講法！
由此，韓非提出更激進嘅歷史演化觀
韓非子 五蠹篇
今有搆木鑽燧於夏后氏之世者，必為鯀、禹笑矣。有決瀆於殷、周之世者，必為湯、武笑矣。然則今有美堯、舜、湯、武、禹之道於當今之世者，必為新聖笑矣。是以聖人不期脩古，不法常可，論世之事，因為之備。宋人有耕田者，田中有株，兔走觸株折頸而死，因釋其耒而守株，冀復得兔，兔不可復得，而身為宋國笑。今欲以先王之政，治當世之民，皆守株之類也。
搆木鑽燧：樹上搭屋、鑽木取火
脩：修
韓非子話：
如果有人用鑽木取火呢套
用係夏朝，當時嘅聖王一定笑佢啦
去到殷、周朝，用大禹治水嘅方法治國
又會比當時嘅聖王笑啦
如果古代先王果套運用係今日，一定比下位聖王笑
所以真正嘅聖人唔會復古
「宋人有耕田者，田中有株，兔走觸株折頸而死，因釋其耒而守株，冀復得兔，兔不可復得，而身為宋國笑」
呢到係極有名嘅成語故事：守株待兔
故仔唔需要多講，大家都知啦
韓非用呢個比喻引出：
「今欲以先王之政，治當世之民，皆守株之類也」
用舊果套，治當下嘅情況
都係守株待兔，不切實際
上古競於道德，中世逐於智謀，當今爭於氣力。
上古之世，講道德
中古之世，鬥計謀
當今之世，爭軍力
呢個係韓非嘅歷史省察
由此建立佢富國強兵嘅治世哲學
夫以君臣為如父子則必治，推是言之，是無亂父子也。人之情性，莫先於父母，皆見愛而未必治也，雖厚愛矣，奚遽不亂？今先王之愛民，不過父母之愛子，子未必不亂也，則民奚遽治哉！且夫以法行刑而君為之流涕，此以效仁，非以為治也。夫垂泣不欲刑者仁也，然而不可不刑者法也，先王勝其法不聽其泣，則仁之不可以為治亦明矣。
如果好似儒家咁講仁愛治國
君主好似父母愛子女咁愛人民就得
而真正嘅父母再愛子女
都無話子女一定好乖好聽話
更何況君主之於人民呢？
「夫垂泣不欲刑者仁也，然而不可不刑者法也」
如果因為用刑而流淚，係仁嘅表現
但依然要用刑，係因為國家嘅法令
先王知道唔可以因情廢法
為左大局著想，必先執行法令
咁樣就知單用仁愛治國係唔得嘅
No comments:
Post a Comment