李斯使人遺非藥，使自殺。韓非欲自陳，不得見。秦王後悔之，使人赦之，非已死矣。申子、韓子皆著書，傳於後世，學者多有。余獨悲韓子為說難而不能自脫耳。
——《史記．老子韓非列傳》
——《史記．老子韓非列傳》
韓非思想以富國強兵之現實關懷為目標
相對其餘先秦諸子，易於理解
我地對上咁多篇，已經點出韓非思想嘅整體架構
中主而治
法、術、勢
進化歷史觀、自利人性觀等
都一一說明，點出最重要嘅部份
去到呢邊，我地已經可以正視法家嘅價值
唔會因為無知偏見而任意貶低韓非
今次我地黎睇韓非對進諫嘅睇法
而呢一樣嘢，亦都係連接韓非進諫秦皇嘅悲劇
韓非子 說難篇
凡說之難：非吾知之，有以說之之難也；又非吾辯之，能明吾意之難也；又非吾敢橫失，而能盡之難也。凡說之難，在知所說之心，可以吾說當之。
韓非說難篇，放諸中國思想史係好特別嘅
士之代表，如孔孟諸子周遊列國
為左實現學說理想，成日都要向君主進諫
進諫係整個中國思想史好重要嘅一環
親身言說外，上表上書亦留下好多經典
考察思想家如何進諫，遇到咩難題
正係韓非呢篇說難嘅重要價值
開筆立論，進言嘅難
唔係因為知識唔夠
唔係因為口才唔好
唔係因為無膽去講
「在知所說之心，可以吾說當之」
在於點樣理解君主嘅喜好
咁樣先可以正確咁投其所好去論述
所說出於為名高者也，而說之以厚利，則見下節而遇卑賤，必棄遠矣。所說出於厚利者也，而說之以名高，則見無心而遠事情，必不收矣。所說陰為厚利而顯為名高者也，而說之以名高，則陽收其身而實疏之，說之以厚利，則陰用其言顯棄其身矣。此不可不察也。
韓非似乎好有經驗咁講：
老細要名譽，你講利益，佢當你係狗
老細要利益，你講名譽，佢實好hea
老細好利益但扮哂愛名譽，你中伏講名譽啦
老細咁好似好受落，實際就疏遠你
但當你講利益呢，佢就會偷偷咁用你嘅學說
但就踼你出局，令人地睇佢好似好清高咁
余獨悲韓子為說難而不能自脫耳
韓非知道說難，但好可惜自己都身亡於此
司馬遷之悲，韓非或者早就知道結局係咁悲慘
但為左盡力保存家國，唯有以命賭博
有趣嘅係，韓非超越自利而求公利
扣連佢嘅學說，或能體會更深
凡說之務，在知飾所說之所矜而滅其所恥。彼有私急也，必以公義示而強之。其意有下也，然而不能己，說者因為之飾其美而少其不為也。……欲內相存之言，則必以美名明之，而微見其合於私利也。欲陳危害之事，則顯其毀誹而微見其合於私患也。
微：暗示
說話嘅藝術，在於修飾
美化君主引以為傲嘅事
清除君主做壞事嘅羞恥
好似君主只係為左一己私慾行事
就用公義嘅理由去美化佢
君主有卑下嘅諗法
咪粉飾美化呢種諗法，令佢安心去做
說話嘅藝術，判斷君主嘅諗法
「欲內相存之言」
君主想要相同意見，就附和佢
暗示呢種做法係正確
「欲陳危害之事」
要講危及國家嘅人事
就要講定其他人可能會反對
暗示佢地全部對君主不利
昔者彌子瑕有寵於衛君。衛國之法，竊駕君車者罪刖。彌子瑕母病，人閒往夜告彌子，彌子矯駕君車以出，君聞而賢之曰：「孝哉，為母之故，忘其刖罪。」異日，與君遊於果園，食桃而甘，不盡，以其半啗君，君曰：「愛我哉，忘其口味，以啗寡人。」及彌子色衰愛弛，得罪於君，君曰：「是固嘗矯駕吾車，又嘗啗我以餘桃。」故彌子之行未變於初也，而以前之所以見賢，而後獲罪者，愛憎之變也。故有愛於主則智當而加親，有憎於主則智不當見罪而加疏。故諫說談論之士，不可不察愛憎之主而後說焉。
韓非舉左個歷史BL故事
去講知道君主諗法嘅重要
彌子瑕係型男，衛君好寵幸佢
衛國法例，偷用君主馬車嘅人要斬斷雙腳
但有一次型男老母有病，偷用君主馬車
君主愛佢，咪話佢有孝心無罪
彌子瑕有次食唔哂個甜桃
分左一半比君主食
衛君好sweet咁話：
BB好愛我，自己唔食分比我食甜死啦
但當彌子瑕色衰愛弛
有次得罪衛君
衛君重提舊事：
臭鴨！
偷我車用，又比食剩嘅垃圾我
唔再親近佢，疏遠佢啦
「故有愛於主則智當而加親，有憎於主則智不當見罪而加疏」
有愛咪點都好，歪理都當寶
但反轉豬肚就係屎，講得再好都係罪
「故諫說談論之士，不可不察愛憎之主而後說焉」
套用係思想家，一定要知君主嘅愛惡
夫龍之為蟲也，柔可狎而騎也，然其喉下有逆鱗徑尺，若人有嬰之者則必殺人。人主亦有逆鱗，說者能無嬰人主之逆鱗，則幾矣。
蟲：動物
可狎：可以親近
嬰：攖，接觸之意
我地成日話龍有逆鱗之說，係出自呢邊
龍係好溫柔可以親近，甚至騎乘嘅動物
但係龍嘅喉嚨下面有逆鱗
邊個摸到呢個地方，一定會比佢殺死
人主，都係有佢嘅逆鱗
可以唔搞到人主逆鱗，咁差唔多就係識進言嘅人啦
韓非始終搞到秦皇逆鱗致死
心知其理，而時局不可逆轉
法家思想大家之悲劇
只因才能受李斯妒嫉，只因韓國公子之身分
非我族類其心必異，即為人主逆鱗
韓非又何嘗唔係此一大文化悲劇嘅典型呢？
No comments:
Post a Comment