諸子百家當中，法家最為激進。它否認儒家的道德標準，也否認墨家的宗教規範，它相信的只是權力。除了人君以外，它不相信任何的權威，更不承認任何的前言往行。……古代的學派當中，它是唯一始終持續不斷，力反傳統的，它不崇拜儒者所尊奉的堯舜，或墨者所禮信的大禹等聖王。它瞻前而不反顧，創新而不墨守。浮言虛辭﹑空談仁義，它摒棄不用，只要求實在的事功。
——陳榮捷
韓非子呢篇名為五蠹——陳榮捷
即係針對法家眼中五種有害國家嘅人
《說文解字》段玉裁注：
蠹：木中蟲。在木中食木者也。今俗謂之蛀。
國家好似古人居住嘅木屋咁
木屋有蛀木蟲，變危樓隨時崩潰呀！
韓非係呢篇除左說明法治嘅必要
仲借住否定春秋戰國常見嘅五種人
肯定真正有益於富國強兵嘅人
就等我地睇睇韓非講咩啦
韓非子 五蠹篇
是故亂國之俗，其學者則稱先王之道，以籍仁義，盛容服而飾辯說，以疑當世之法而貳人主之心。其言談者，為設詐稱，借於外力，以成其私而遺社稷之利。其帶劍者，聚徒屬，立節操，以顯其名而犯五官之禁。其患御者，積於私門，盡貨賂而用重人之謁，退汗馬之勞。其商工之民，修治苦窳之器，聚弗靡之財，蓄積待時而侔農夫之利。此五者，邦之蠹也。人主不除此五蠹之民，不養耿介之士，則海內雖有破亡之國，削滅之朝，亦勿怪矣。
韓非講五種人係蛀木蟲
一、學者：儒家
二、言談者：說客、縱橫家
三、帶劍者：游俠、墨家支派
四、患御者：逃避兵役之人
五、商工之民：奸商
一、學者：儒家
「盛容服而飾辯說，以疑當世之法而貳人主之心」
著重外表，修飾語言
所講嘅言論，令當世嘅法令受到質疑
令到君主失去對法治嘅信心
二、言談者：說客、縱橫家
「為設詐稱，借於外力，以成其私而遺社稷之利」
虛偽作假，得個吹字
講到天花龍鳳，都係為左自己嘅利益
至於國家社稷，WFC？
三、帶劍者：游俠、墨家支派
「聚徒屬，立節操，以顯其名而犯五官之禁」
聚集同黨，以節操為主要標準
就係呢種諗法，令佢地衝擊社會法令
甚至為揚名立萬，故意犯禁
四、患御者：逃避兵役之人
「積於私門，盡貨賂而用重人之謁，退汗馬之勞」
靠住自己家族嘅少少權勢
用錢收買國家重臣
等自己唔需要服役，公平咩？
五、商工之民：奸商
「修治苦窳之器，聚弗靡之財，蓄積待時而侔農夫之利」
整埋劣質嘅黑心商品
賺勁多不義之財
平時仲要收收埋埋日常貨物
炒高哂價格，再賣返比辛苦做嘢嘅農民
「人主不除此五蠹之民，不養耿介之士，則海內雖有破亡之國，削滅之朝，亦勿怪矣」
君主唔除去呢五種蛀木蟲
唔照顧真正耿直做事嘅人
咁呢間屋呢，就好鬼快玩完架啦
咁韓非口中講嘅「耿介之士人係咩呢？
今境內之民皆言治，藏商、管之法者家有之，而國愈貧，言耕者眾，執耒者寡也；境內皆言兵，藏孫、吳之書者家有之，而兵愈弱，言戰者多，被甲者少也。故明主用其力，不聽其言；賞其功，必禁無用；故民盡死力以從其上。夫耕之用力也勞，而民為之者，曰：可得以富也。戰之為事也危，而民為之者，曰：可得以貴也。
大家都話要法治，家家都有法家學說嘅書
但國家反而愈黎愈窮，點解呢？
因為個個都講：農業緊要
真正落去耕田嘅人少之又少呀！
大家都話軍力好重要，家家都有兵書
但軍隊反而愈黎愈廢，點解呢？
因為個個都紙上談兵
根本無人願意去當兵呀！
呢兩樣嘢，正係韓非最著重嘅兩種人
富國＞農民
強兵＞戰士
而要重視提倡呢兩種人，必須公告法令
「故明主用其力，不聽其言；賞其功，必禁無用」
起用真正出力嘅人，唔聽空談者
獎勵真係有功於國嘅人，禁止無用嘅蛀木蟲
「故民盡死力以從其上」
呢兩種人受到重視，國力自然會提升
「可得以富也」、「可得以貴也」
韓非呢到提倡比佢地得到更好嘅待遇
夫明王治國之政，使其商工游食之民少而名卑，以寡趣本務而趨末作。今世近習之請行則官爵可買，官爵可買則商工不卑也矣；姦財貨賈得用於市則商人不少矣。聚斂倍農而致尊過耕戰之士，則耿介之士寡而高價之民多矣。
韓非子就講：
明主要令到商工游食嘅廢人變少
搞臭佢地嘅名譽
費事咁多人唔關注重要嘅事
反而去做埋蛀木蟲
千其唔可以再比人用錢買官做
官商勾結，佢地嘅地位又點會低？
地位唔低，又點會變少？
收入地位都好過耿介之士，又點會有人做？
韓非一連串嘅反問，都係想講：
明主要設立法令，唔好比呢五種人受重視
我地係五蠹篇可以睇到
韓非以富國強兵為最重要嘅事
否定空談、無益實效嘅人
並由其歷史、人性、價值觀
說明韓非之所以講法治嘅必要
No comments:
Post a Comment