術者，藏之於胸中，以偶眾端，而潛御群臣者也。故法莫如顯，而術不欲見。
——韓非子難三篇
——韓非子難三篇
韓非子二柄篇共三段，主講君術
第一段講賞罰之權須操之於君
第二段講審合刑名以實施賞罰
去到今篇要講嘅第三段
法家講人性自私自利
竟然反轉要求君主去除好惡之情
韓非子 二柄篇
人主有二患：任賢，則臣將乘於賢以劫其君；妄舉，則事沮不勝。故人主好賢，則群臣飾行以要君欲，則是群臣之情不效；群臣之情不效，則人主無以異其臣矣。
韓非子話君主有兩個患難
第一，求賢人出仕
臣下就會憑藉賢能威逼君主
第二，隨意推舉人才
咁自然做事錯漏百出啦
當君主表明佢好賢人
下面班友就會扮哂嘢迎合
咁樣君主無法睇穿佢地嘅真面目
無方法好好咁控制手下
故越王好勇，而民多輕死；楚靈王好細腰，而國中多餓人；齊桓公妒而好內，故豎刁自宮以治內，桓公好味，易牙蒸其子首而進之；燕子噲好賢，故子之明不受國。故君見惡則群臣匿端，君見好則群臣誣能。人主欲見，則群臣之情態得其資矣。
韓非呢邊舉好多嘅客觀事實
好勇＞好多人死
好細腰＞好多人捱肚餓
好內＞有手下自宮去管後宮
好味＞有手下蒸自己個仔比皇帝食
好賢＞王子扮哂嘢唔接受君位
「故君見惡則群臣匿端，君見好則群臣誣能」
唔鍾意嘅，極力隱瞞
鍾意嘅，大家極力迎合
「人主欲見，則群臣之情態得其資矣」
君主嘅喜好，係用比手下用黎反控架！
此其故何也？人君以情借臣之患也。人臣之情非必能愛其君也，為重利之故也。今人主不掩其情，不匿其端，而使人臣有緣以侵其主，則群臣為子之、田常不難矣。故曰：去好去惡，群臣見素。群臣見素，則大君不蔽矣。
素：本色
我地要留意「非必能」三個字
韓非其實無否定人有嘅賢能、德性嘅可能
但問題係大多數人都做唔到
全部人都有嘅係「重利」
人臣邊會個個都愛老細
講真，咪又係為左搵食啫
如果君主唔掩飾自己嘅好惡
即係比機會人臣食返住君主呀！
因此韓非先講：
「去好去惡，群臣見素。群臣見素，則大君不蔽矣」
要食住班細，就要做到深藏不露
咁佢地咩都唔知，就無方法隱瞞你啦
呢邊嘅諗法，係連繫到韓非子借用道家思想
我地係之後，會再解釋韓非點樣由道入法
No comments:
Post a Comment