濟南辛侯幼安最後至，一旦獨得之，既築室百楹，財佔地什四。乃荒左偏以立圃，稻田泱泱，居然衍十弓。意他日釋位得歸，必躬耕於是，故憑高作屋下臨之，是為「稼軒」 。田邊立亭曰「植杖」 ，若將真秉耒耨之為者。東岡西阜，北墅南麓，以青徑款竹扉，錦路行海棠。集山有樓，婆娑有室，信步有亭， 滌硯有渚。皆約略位置， 規歲月緒成之， 而主人初未之識也。繪圖畀予曰： 「吾甚愛吾軒，為吾記。」
——洪邁《稼軒記》
——洪邁《稼軒記》
稼軒 水調歌頭(盟鷗)
帶湖吾甚愛，千丈翠奩開。先生杖屨無事，一日走千回。凡我同盟鷗鷺，今日既盟之後，來往莫相猜。白鶴在何處，嘗試與偕來。
破青萍，排翠藻，立蒼苔。窺魚笑汝癡計，不解舉吾杯。廢沼荒丘疇昔，明月清風此夜，人世幾歡哀。東岸綠陰少，楊柳更須栽。
稼軒好識理財投資
相對好多文人，佢係好有錢
因此即使佢一生好多挫敗
但至少係不愁衣食
唔會話要為五斗米而折腰
罷官隱居前
稼軒已經係帶湖買地起屋
佢好鍾意自己嘅莊園
仲叫朋友洪邁幫佢記低莊園嘅形態
「既築室百楹，財佔地什四。乃荒左偏以立圃，稻田泱泱，居然衍十弓」
有屋又有田，地方大到不得了
起成百幾間屋，先佔十分之四嘅空間
「集山有樓，婆娑有室，信步有亭， 滌硯有渚」
山中有樓，林間有室
隨意走幾步有涼亭休憩
要洗墨硯隨時都有水流過附近
真係真係令人好鬼妒忌呀！
稼軒 水調歌頭(盟鷗)
帶湖吾甚愛，千丈翠奩開。先生杖屨無事，一日走千回。凡我同盟鷗鷺，今日既盟之後，來往莫相猜。白鶴在何處，嘗試與偕來。
奩：女子梳妆用嘅镜匣
上半片稼軒先揭詞中主題：盟鷗
「帶湖吾甚愛」
此一表白，深層黎講
係話自己愛隱居嘅生活
我地知道稼軒份人係點
即刻要問：點解架？
詞人以镜匣比喻大自然
翠綠色嘅千山、湖景
稼軒打開大門揭開窗簾
就如女子打開镜匣
美人自照，稼軒觀美景
怡然自得之情盡現
稼軒打開此景，不止觀看
更加要杖屨涉足千回
一日行一千次嘅誇飾
其實係強調稼軒嘗試接受隱居嘅過程
要轉變任何一種生活形態
都需要付出適應嘅努力
「凡我同盟鷗鷺，今日既盟之後，來往莫相猜」
詞人突然神思一轉
同附近見到嘅鷗鷺告白
喂，我地黎結成同盟做盟友
以後我地都可以無機心咁交往啦！
《列子．黃帝》：
海上之人有好漚鳥者，每旦之海上，從漚鳥遊，漚鳥之至者百住而不止。其父曰：「吾聞漚鳥皆從汝遊，汝取來，吾玩之。」明日之海上，漚鳥舞而不下也。
此一典故，正係講緊忘機之重要
故事入面嘅好漚鳥者，本身同漚鳥好好交情
但到有一日，老豆叫佢捉隻黎玩
第二日漚鳥就唔再飛近啦
有機心者，又點同漚鳥交往呢？
「白鶴在何處，嘗試與偕來」
稼軒係到同鷗鷺講：
你個朋友白鶴係邊呢？
叫佢黎同埋我一齊玩啦！
鷗鷺、白鶴皆係象徵高潔之士
自然符合稼軒此刻心中嘅理想形象
破青萍，排翠藻，立蒼苔。窺魚笑汝癡計，不解舉吾杯。廢沼荒丘疇昔，明月清風此夜，人世幾歡哀。東岸綠陰少，楊柳更須栽。
下半片稼軒反用典故
鷗鷺「破青萍，排翠藻，立蒼苔」
竟然唔係為親近詞人
而係充滿機心咁想捉魚填肚
詞人因此笑鷗鷺嘅痴心計算
唔明白稼軒舉杯，同盟之心
呢種反用，更令詞人獨立於世界之外
鷗鷺本係高潔之象徵
而係稼軒眼中，不過都係痴於計算
舉杯無人回應，只好自飲
或者稼軒意識到
真正嘅隱居，必須有孤獨嘅準備
再多期盼所謂嘅同盟，都係無助自身
自身高潔，何必依賴外物？
「廢沼荒丘疇昔，明月清風此夜，人世幾歡哀」
稼軒呢邊開始有所領悟：
昔日帶湖未又係無人賞識
只係一片荒蕪未經開發嘅土地
但今日經過我用心整理
先有呢一刻嘅明月姣美，清風徐來
人世嘅變遷，得失嘅榮辱
係呢到，不著痕跡，無關風月
「東岸綠陰少，楊柳更須栽」
稼軒眼見東岸嘅樹木唔多
心諗要栽種更多楊柳啦
「更須栽」此一行為
除表達久居於此外
無非都係確立自己隱居田園嘅決心
我地都知對稼軒黎講，隱居唔係易事
要修煉出田園之心
要付出更多嘅時間，更多嘅努力
必須係心田間栽種更多綠蔭
No comments:
Post a Comment