辛有意識的引申和發掘了陶「金剛怒目」的豪放，在詞中詮釋了一個詩酒菊之外的陶淵明，一個身在山林而心懷天下的諸葛亮式的陶淵明，這裏的陶將山林當作了暫時的休整地，他在等待為天下而謀的時機。
——葛琳
——葛琳
稼軒嘅生命有兩重氣質
前者係我地一講再講英雄豪邁
後著則係有如魏晉名士嘅風流
牟宗三：
風流者，如風之飄，如水之流，不主故常，而以自在適性為主。故不著一字，盡得風流。
王孝伯：
名士不必須奇才。但使常得無事，痛飲酒，熟讀離騷，便可稱名士。
稼軒終其一生，都唔係隱士
雖然隱居期間遊山玩水，頗有閒趣
可見稼軒本質都識得享受
但始終係以英雄為主，名士為副
英雄之氣受壓，名士之心則起而居之
但名士之所以狂歌飲酒
係因為時代黑暗，政治不堪嘅發洩
最顯著嘅例子，當然係竹林七賢
稼軒水龍吟(老來曾識淵明)
老來曾識淵明，夢中一見參差是。覺來幽恨，停觴不御，欲歌還止。白髮西風，折腰五斗，不應堪此。問北窗高臥，東籬自醉，應別有，歸來意。
須信此翁未死，到如今凜然生氣。吾儕心事，古今長在，高山流水。富貴他年，直饒未免，也應無味。甚東山何事，當時也道，爲蒼生起。
上半片直入主題：陶淵明
東坡曾有詞曰
夢中了了醉中醒，只淵明，是前生。
稼軒亦如東坡
話自己年老之後，覺得真係認識淵明
發夢見到佢，真係同想像嘅一樣
年少征戰沙場，自然不識
年老投閒置散，卻係唔到你唔識
相對東坡以至其他人寫到陶淵明
稼軒捨棄豁達平和，而入金剛怒目
「覺來幽恨，停觴不御，欲歌還止」
夢中醒來，竟然為陶淵明大抱不平
幽恨，即係深藏內心嘅怨恨
呢股積怨，令詞人連酒都唔飲，連歌都唔唱！
咁樣寫陶淵明，真係好罕見呀
「白髮西風，折腰五斗，不應堪此」
稼軒針對嘅形象係陶淵明尚為五斗米折腰之時
即係仲未寫出歸去來辭嘅時期
為生活所迫，不得不出仕為官
稼軒注重嘅「西風」嘅外在環境之下
「白髮」士人嘅悲慘形象，無法一展抱負
「問北窗高臥，東籬自醉，應別有，歸來意」
北窗、東籬，都係代指陶淵明之居所
前講出仕，後講歸隱
稼軒眼中嘅陶淵明，唔係咁悠閒自得架
隱居應該係有另一種深意
歸去田園之意，係富有多種解讀空間
須信此翁未死，到如今凜然生氣。吾儕心事，古今長在，高山流水。富貴他年，直饒未免，也應無味。甚東山何事，當時也道，爲蒼生起。
下半片直言：陶淵明係不死架！
直到今日，都依然「凜然生氣」
唯有品格高尚之人，死後仍能長存於人心
故此「吾儕心事，古今長在，高山流水」
精神因心事連繫，亦係我地講嘅神交
神交古人，必因性情、遭遇之貼近
由此契合心靈，精神超越肉體而交流
稼軒之心事，當係講用世之心
「富貴他年，直饒未免，也應無味」
《世說新語》：
初，謝安在東山居，布衣。時兄弟已有富貴者，翕集家門，傾動人物； 劉夫人戲謂安曰 ：「大丈夫不當如此乎？」謝乃捉鼻曰：「但恐不免耳！」
呢邊稼軒引用歷史典故
謝安出身名門世家，隱居東山
無點諗過咩為天下百姓謀福祉咁
只係想獨善其身
兄弟謝萬出仕做官，好有米
謝安老婆問佢：做男人係咪一定要咁？
謝安答：我諗自己都好難避免啦！
「甚東山何事，當時也道，爲蒼生起」
《世說新語》：
先時多少飲酒 ，因倚如醉，戲曰：「 卿屢違朝旨，高臥東山， 諸人每相與言： 安石不肯出 ，將如蒼生何！今亦蒼生將如卿何？」 謝笑而不答。
後尾謝安真係要做官啦
兄弟謝萬被人罷官
成個家族要靠謝安撐場
咁有人問佢：
以前成日有人話，你唔出山
咁天下百姓可以點好呢？
你而家出山，唔知天下百姓又點睇？
謝安就笑而不語啦
呢兩個謝安典故
涉及稼軒嘅歷史判斷
「富貴他年，直饒未免，也應無味」
「甚東山何事，當時也道，爲蒼生起」
謝安話過富貴唔重要，無咩味道
謝安出山之後，又話為天下百姓先出山
兩個「也」字，暗含諷刺
講到最後，咪又係為家族名利
稼軒真正歌頌嘅係陶淵明
謝陶二人，共同點係隱士
而佢地係詞人眼中最大分別
就係真誠二字罷了
唔好睇輕真誠，正係神交與否嘅關鍵
先能凜然生氣，高山流水至今
不求名利，只為百姓
由始至終，不改初衷，乃稼軒之志向
不同流合污，寧可退隱田園
稼軒係隱居之後，解讀陶淵明嘅方向
正係待機而動，為天下而謀福祉
No comments:
Post a Comment