1.貴賤明，尊卑長幼之別，令社會有次序
2.同異別，辨別事物嘅異同，令大家方便溝通
呢一個係正名嘅目的
但到底要點樣先可以真做到呢？
故萬物雖眾，有時而欲遍舉之，故謂之「物」。「物」也者，大共名也。推而共之，共則有共，至於無共然後止。有時而欲遍舉之，故謂之「鳥」、「獸」。「鳥」、「獸」也者，大別名也。推而別之，別則有別，至於無別然後止。名無固宜，約之以命，約定俗成謂之宜，異於約則謂之不宜。名無固實，約之以命實，約定俗成謂之實名。
荀子指出我地會用種類黎代稱
例如「物」，係「大共名」
「鳥」、「獸」，就係開始定義明確
要確定一樣嘢嘅名
必須「推而別之，別則有別，至於無別然後止」
不斷定義，直到呢樣嘢只係得一個名，無方法再細分為止
「名無固宜，約之以命，約定俗成謂之宜，異於約則謂之不宜」
呢到可以睇得出荀子並唔守舊
名字本身就同實物無絕對關係，馬可以叫做鹿都得架
「名無固實，約之以命實」
但呢樣一嘢係「約定俗成」嘅契約
大家都認同，用開，就唔應該亂改
除非大家共同都覺得要用新名啦
當一樣嘢有兩個名或者兩個名都指同一樣嘢
咁荀子又會點解決呢？
荀子講兩種情況：
1.物有同狀而異所者
形狀相同，但其實係兩樣嘢
好似黑馬同白馬咁
2.有異狀而同所者
唔同嘅狀態，但都係同一樣嘢
老人家同青少年，都係人
都仲係同一個實體
「稽實定數」
考核實體、決定事物數量嘅原則
係制定事物名稱的重要原則
出現上面兩種情況果陣
一定要更加細心留意，先唔會混亂
荀子講正名，好大原因為左反駁其他學說：
1.「見侮不辱」，「聖人不愛己」，「殺盜非殺人也」
宋牼嘅「見侮不辱」(被侮辱而不以為恥辱)
墨子嘅「聖人不愛己」(聖人不愛惜自己)
「殺盜非殺人」(殺死盜賊不是殺人)
都係「用名亂名」，要用「所以為有名」去檢驗
去睇呢種講法係咪可以「明貴賤，辨同異」
做唔到就可以禁止佢啦
2.「山淵平」，「情欲寡」，「芻豢不加甘，大鍾不加樂」
惠施嘅「山淵平」(高山和深淵一樣平)
宋子嘅「情欲寡」(人嘅本性是慾望很少)
墨子嘅「芻豢不加甘，大鍾不加樂」
(牛羊豬狗等肉食並唔比普通嘅食物更加香甜，大鐘嘅聲音並不比普通嘅聲音更加悅耳)
我地不妨用「所緣以同異」，五官嘅感受去檢驗
如果同我地五官唔相合，咪就係邪說
3.「非而謁楹」，「有牛馬非馬也」
墨子講「非而謁楹」(飛箭經過柱子可以說明停止)
「有牛馬非馬也」(有牛馬，但佢唔係馬)
我地可以用「驗之名約」，約定俗成嘅方法
去檢驗佢有冇錯，有錯就係邪說
「凡邪說闢言之離正道而擅作者，無不類于三惑者矣」
荀子破三惑嘅目的
就係左正名，為左顯示自己嘅思想先係正道啦
No comments:
Post a Comment