水調歌頭(丙辰中秋，歡飲達旦，大醉，作此篇，兼懷子由。)
明月幾時有？ 把酒問青天。不知天上宮闕， 今夕是何年？我欲乘風歸去，又恐瓊樓玉宇，高處不勝寒。 起舞弄清影，何似在人間？
轉朱閣，低綺戶，照無眠。 不應有恨，何事長向別時圓？ 人有悲歡離合，月有陰晴圓缺，此事古難全。 但願人長久，千里共嬋娟。
上回講到：
東坡係密州做太守
希望同子由將來老去歸隱後「夜雨對床」
東坡願意由繁華嘅杭州去偏僻嘅密州
最大目的係為左方便同子由見面
今日講嘅呢首詞，相信識得背嘅人都唔少
教科書教過，鄧麗君唱過
可以話係香港人中文堂嘅集體記憶
都咪話唔勁，萬中挑一
呢一首詞就係東坡係密州時寫嘅
寫作嘅背景已經交代得好清楚：
丙辰中秋，歡飲達旦，大醉，作此篇，兼懷子由
中秋開P，東坡好酒但唔飲得
醉後寫詞，抒發思念子由之情
提外話講少少：
呢首詞曾被前人解釋為「忠君愛國」
話天上宮闕係國都開封
又話乘風歸去係朝見天子嘅渴望
董子遠《續詞選》：忠愛之言， 側然動人
黃蓼園《蓼園詞選》：前闋是見月思君，言天上宮闕，高不勝寒，但彷彿神魂歸去，幾不知身在人間乎？
以上解詞，都話比我地知古人有時真係好白痴嘅
上半片寫「丙辰中秋，歡飲達旦，大醉」嘅情況
文學作品入面，問句係好重要，有時更係解讀嘅關鍵
東坡係呢到用三問呈現人生嘅哲思
每一問都有頓挫、答問嘅張力對比
詮釋即提問，答案入須藉問題才能發見
詞人首問，「明月幾時有？」
東坡對月亮嘅存在發出疑問
其實都代表詞人借此一問：萬物係邊到黎架？
有雞先，定有雞蛋先？
無限加一仲係咪無限？
我地都知東坡唔係哲學家
呢一問只係一刻間嘅感嘆，既無答案
唯有「把酒問青天」，將個波射返比上天
二問，「今夕是何年？」
呢個唔係時間數字嘅詢問，而係問具體嘅存在
呢一個到底係咩年代呀？
「天上」嘅仙境，係相對於人間嘅俗世
仙境嘅環境，係咪好過人間嘅環境呢？
東坡好奇天上境況嘅變化，渴望離開俗世
因為天上代表理想嘅世界，長生不老
人間係庸俗不堪，生老病死，充斥恩怨是非、悲歡離合嘅現實世界
「我欲乘風歸去，又恐瓊樓玉宇，高處不勝寒」
東坡想乘風離開俗世，但突然又諗：
哇，廣寒宮咁高咁遠，咁咪好寂寞
李商隱詩云：
「碧海青天夜夜心」
東坡咁鍾意熱鬧，緊係唔肯啦
而且呢個世界仲有佢掛住嘅人，例如子由
呢一種內心嘅矛盾衝突，化作抑揚頓挫嘅句子
「起舞弄清影」
其實係中秋起舞，與友共歡大醉
未嘗唔係人世間嘅仙境
因此第三問，「何似在人間？」
隨即轉為東坡嘅反問，自答上面嘅矛盾
東坡知道桃花源本在心靈，人間自有仙境所無嘅溫情歡樂
同埋仙境邊有子由呢位好兄弟
既然係咁，又點需要乘風歸去呢？
下半片著筆抒發「懷子由」嘅心情
歡宴既散，明月流轉，西斜低照
照出了東坡一夜無眠
照出了詞人的思念之情
歡樂之後總是最寂寞，最易發出悲情
但東坡卻並不如此
第四問，「何事長向別時圓？ 」
東坡係答緊自己嘅寂寞，點解我要強求圓滿呢？
天行有常，自然變化，自有圓，自有缺
既然無法自主，在聚時盡歡，在散時知足，已經夠啦
「人有悲歡離合，月有陰晴圓缺，此事古難全」
東坡由情入理，理中顯情
人嘅悲歡離合，正如大自然嘅變化一樣
人不過都係自然之一，有圓有缺
咁樣睇，一切唔係都好合情合理咩？
古人對「命」之解脫，講順、達、安
都係知道生命有不能自主嘅限制
唯有好好咁接受呢種現實，好好咁活在當下
「但願人長久，千里共嬋娟」
《易經》最後兩封：
六十三卦既濟
六十四卦未濟
圓缺循環不休，吉凶禍福相生
呢一種古人普遍對人世宇宙嘅觀念
東坡由四問表達情理交至嘅完美呈現
情深而見理，見理而豁達
所以其情不流於自傷而能發之成願
呢一種祝福祈求，成為千百年來至今
一代又一代流離失所，遠在異鄉嘅人之願望
千里係無法改變嘅事實
但我地仍然可以長久安穩地睇住同一個月亮
咁樣，唔係已經足夠啦咩？
高質討論：
#422
少少個人意見。
〈水調歌頭〉最後一句「千里共嬋娟」，來自謝莊〈月賦〉：「隔千里兮共明月」，呢點唔少學者、注本都提過，例如夏承燾。不過佢點樣化用，就無咩人點講。
〈月賦〉：
美人邁兮音塵缺，
隔千里兮共明月。
臨風嘆兮將焉歇，
川路長兮不可越。
…
月既末兮露欲晞，
歲方晏兮無與歸。
佳期可以還，
微霜沾人衣。
先解釋點解佢唔係獨創。
「千里共嬋娟」，嬋娟即嫦娥，呢度代指明月。
咁其實成句不過係「千里共明月」，自然係由「隔千里兮共明月」而嚟。
但點解人人都只係記得呢句，唔記得謝莊句嘢呢?
原因在於蘇軾係截取其意，而非引申、補充。
有時候化用前人詩句好，唔一定係「補充」、「濃縮」，「截取」都好。
細味〈月賦〉，畢竟講嘅係無奈、講嘅係世情，直譯如下：
美人遙遠啊音訊全缺
隔著千里啊共看明月
隨風只能嘆其將停歇
川路長得不可能穿越
先講共明月，後講不可越，重在不可越、難越，重在「止」。
但當然，後四句講嘅係「規勸」，意指珍惜當下。
蘇軾則先講「不可越」，後講「共明月」，意思無補充過
—甚至唔夠〈月賦〉豐富。
但成首詞就活起上嚟。原因係呢首詞係述人情、兄弟之情，唔係規勸。
所以又寫咗前後赤壁賦，算係和〈月賦〉餘音之嬝嬝，所以一定要並讀。
當然，將七字濃縮成五字，某程度上都係更進一步。
如果將呢部分改改：
月既末兮露欲晞，
歲方晏兮無與歸。
臨風嘆兮將焉歇，
川路長兮不可越。
美人邁兮音塵缺，
隔千里兮共明月。
#424
〈水調歌頭〉最後一句「千里共嬋娟」，來自謝莊〈月賦〉：「隔千里兮共明月」，呢點唔少學者、注本都提過，例如夏承燾。不過佢點樣化用，就無咩人點講。
〈月賦〉：
美人邁兮音塵缺，
隔千里兮共明月。
臨風嘆兮將焉歇，
川路長兮不可越。
…
月既末兮露欲晞，
歲方晏兮無與歸。
佳期可以還，
微霜沾人衣。
先解釋點解佢唔係獨創。
「千里共嬋娟」，嬋娟即嫦娥，呢度代指明月。
咁其實成句不過係「千里共明月」，自然係由「隔千里兮共明月」而嚟。
但點解人人都只係記得呢句，唔記得謝莊句嘢呢?
原因在於蘇軾係截取其意，而非引申、補充。
有時候化用前人詩句好，唔一定係「補充」、「濃縮」，「截取」都好。
細味〈月賦〉，畢竟講嘅係無奈、講嘅係世情，直譯如下：
美人遙遠啊音訊全缺
隔著千里啊共看明月
隨風只能嘆其將停歇
川路長得不可能穿越
先講共明月，後講不可越，重在不可越、難越，重在「止」。
但當然，後四句講嘅係「規勸」，意指珍惜當下。
蘇軾則先講「不可越」，後講「共明月」，意思無補充過
—甚至唔夠〈月賦〉豐富。
但成首詞就活起上嚟。原因係呢首詞係述人情、兄弟之情，唔係規勸。
所以又寫咗前後赤壁賦，算係和〈月賦〉餘音之嬝嬝，所以一定要並讀。
當然，將七字濃縮成五字，某程度上都係更進一步。
如果將呢部分改改：
月既末兮露欲晞，
歲方晏兮無與歸。
臨風嘆兮將焉歇，
川路長兮不可越。
美人邁兮音塵缺，
隔千里兮共明月。
#424
又要多謝聲滿巴打高質補充，放埋係個Blog到先
我好同意巴打講嘅化用，其實古典嘢充滿引用、化用，同今時今日成日講版權唔同，根本兩個世界，無話咩抄唔抄，仲成日有今人偽托古人個名出書
不過始終東坡嘅化用都係一句，加埋成首詞嘅境界，串連起黎嘅章法頓挫，好能夠契合佢嘅思考同感情
有好多經典作品，都有化用前人，往往都比前人更出名，我諗都好正常，有句未必有篇，大文學家取之而用，另成一番風景
#4232 日前
我好同意巴打講嘅化用，其實古典嘢充滿引用、化用，同今時今日成日講版權唔同，根本兩個世界，無話咩抄唔抄，仲成日有今人偽托古人個名出書
不過始終東坡嘅化用都係一句，加埋成首詞嘅境界，串連起黎嘅章法頓挫，好能夠契合佢嘅思考同感情
有好多經典作品，都有化用前人，往往都比前人更出名，我諗都好正常，有句未必有篇，大文學家取之而用，另成一番風景
#4232 日前
至於點解世人記得〈水調歌頭〉唔記得〈月賦〉，因為〈月賦〉產自六朝。
#425
呢樣其一。
另外重要係東坡寫得好具體，由個人至眾生，將呢個中國「團圓」嘅精神／希望好充分咁表達出黎。特別係講到兄弟—家庭之情，正係中國人傳統最重視嘅嘢，而又偏偏成日因為戰亂、流離，根本做唔到。東坡呢到正提供一個比較好嘅態度，點樣面對呢個缺憾。
另外重要係東坡寫得好具體，由個人至眾生，將呢個中國「團圓」嘅精神／希望好充分咁表達出黎。特別係講到兄弟—家庭之情，正係中國人傳統最重視嘅嘢，而又偏偏成日因為戰亂、流離，根本做唔到。東坡呢到正提供一個比較好嘅態度，點樣面對呢個缺憾。
#426
講到詠月呢個大主題，緊係唔少得：
張九齡〈望月懷遠〉
海上生明月，天涯共此時。
情人怨遙夜，竟夕起相思。
滅燭憐光滿，披衣覺露滋。
不堪盈手贈，還寢夢佳期。
張若虛〈春江花月夜〉
春江潮水連海平，海上明月共潮生。
灩灩隨波千萬里，何處春江無月明。
江流宛轉繞芳甸，月照花林皆似霰。
空裡流霜不覺飛，汀上白沙看不見。
江天一色無纖塵，皎皎空中孤月輪。
江畔何人初見月，江月何年初照人。
人生代代無窮已，江月年年只相似。
不知江月待何人，但見長江送流水。
白雲一片去悠悠，青楓浦上不勝愁。
誰家今夜扁舟子，何處相思明月樓。
可憐樓上月徘徊，應照離人妝鏡台。
玉戶簾中卷不去，擣衣砧上拂還來。
此時相望不相聞，願逐月華流照君。
鴻雁長飛光不度，魚龍潛躍水成文。
昨夜閒潭夢落花，可憐春半不還家。
江水流春去欲盡，江潭落月復西斜。
斜月沉沉藏海霧，碣石瀟湘無限路。
不知乘月幾人歸，落月搖情滿江樹。
都係詠月嘅神作，月亮係中國詩人嘅集體想像，一個重要嘅主題。因為月亮往往比太陽吸引
張九齡〈望月懷遠〉
海上生明月，天涯共此時。
情人怨遙夜，竟夕起相思。
滅燭憐光滿，披衣覺露滋。
不堪盈手贈，還寢夢佳期。
張若虛〈春江花月夜〉
春江潮水連海平，海上明月共潮生。
灩灩隨波千萬里，何處春江無月明。
江流宛轉繞芳甸，月照花林皆似霰。
空裡流霜不覺飛，汀上白沙看不見。
江天一色無纖塵，皎皎空中孤月輪。
江畔何人初見月，江月何年初照人。
人生代代無窮已，江月年年只相似。
不知江月待何人，但見長江送流水。
白雲一片去悠悠，青楓浦上不勝愁。
誰家今夜扁舟子，何處相思明月樓。
可憐樓上月徘徊，應照離人妝鏡台。
玉戶簾中卷不去，擣衣砧上拂還來。
此時相望不相聞，願逐月華流照君。
鴻雁長飛光不度，魚龍潛躍水成文。
昨夜閒潭夢落花，可憐春半不還家。
江水流春去欲盡，江潭落月復西斜。
斜月沉沉藏海霧，碣石瀟湘無限路。
不知乘月幾人歸，落月搖情滿江樹。
都係詠月嘅神作，月亮係中國詩人嘅集體想像，一個重要嘅主題。因為月亮往往比太陽吸引
#429
〈春江花月夜〉可以同〈把酒問月〉並讀。
留意：
江畔何人初見月，江月何年初照人。
人生代代無窮已，江月年年只相似。
同〈把酒問月〉之句：
今人不見古時月，今月曾經照古人。
古人今人若流水，共看明月皆如此。
如果識追源，又何嘗唔係離騷嘅：
日月忽其不淹兮，春與秋其代序。
惟草木之零落兮，恐美人之遲暮。
又或是詩經陳風日出，又或是邶風日月。
然後再睇〈贈白馬王彪〉同〈送杜少府之任蜀州〉。
讀〈水調歌頭〉，處處有熟人，同時要同前後赤壁賦並讀。
然後引首王景仁嘅詩，雖然我覺得寫得差：
明月幾時有，人間何事無。傾城顧形影，壯士撫頭顱。
方寸誰堪比，深宵我共孤。感君行樂處，分照及蓬廬。
留意：
江畔何人初見月，江月何年初照人。
人生代代無窮已，江月年年只相似。
同〈把酒問月〉之句：
今人不見古時月，今月曾經照古人。
古人今人若流水，共看明月皆如此。
如果識追源，又何嘗唔係離騷嘅：
日月忽其不淹兮，春與秋其代序。
惟草木之零落兮，恐美人之遲暮。
又或是詩經陳風日出，又或是邶風日月。
然後再睇〈贈白馬王彪〉同〈送杜少府之任蜀州〉。
讀〈水調歌頭〉，處處有熟人，同時要同前後赤壁賦並讀。
然後引首王景仁嘅詩，雖然我覺得寫得差：
明月幾時有，人間何事無。傾城顧形影，壯士撫頭顱。
方寸誰堪比，深宵我共孤。感君行樂處，分照及蓬廬。
No comments:
Post a Comment