[古代思想入門（一）ep.1]黑暗儒家心法，荀子參上！

自秦漢以後，政治學術，皆出於荀子。
——梁啟超

荀子系列首發於Lihkg

呢個係咩Post呀？
有追開嘅巴絲打都知道 
之前我一直係講開「古典文學入門」嘅
中國古典嘢係環環相扣，不可分割
讀文學要讀得好，最好都係對中國思想有少少理解 

今次我決定以先秦諸子入面
一個好鬼特別，又算係長期受人誤解嘅關鍵人物 
以荀子呢個思想家作為今次嘅主題
佢係近年又算備受注視
連2018Dse中文都列佢篇勸學做範文 
如果有中學生會睇，希望幫你攞多幾分
你又好唔好奇，佢點解會被戲稱做：
「黑暗儒家界嘅思想」 


呢到我主要會集中講：
1.
由文本一步一步去接觸，理解佢嘅諗法
盡量介紹一個整體嘅荀子思想 
2.
簡介中國古代思想嘅基本概念
希望可以對中國思想史有更多嘅把握
因為之前主要都係講文學
唔知講思想嘅嘢會點樣
盡量輕鬆少少
希望唔會悶親大家啦 


介紹吓我參考嘅文本原典 
唐代楊倞注
清代王先謙集解
《荀子集解．考證》一書
「注」：
即係注解考證
睇吓句野點解有咩典故咁
「集解」：
即係集合前人說法
再加以思考，比出自己嘅睇法