Monday, July 31, 2017

[古代思想入門(二)後記]是而不用,非而不息 韓非子講後記


細個讀書,好鍾意殘章斷句咁讀
慢慢會發現,散亂咁睇書無咩印象可言
人類係讀書學習,係要講求系統嘅 
中國思想講過荀子,一定要睇埋韓非子
荀韓,好似孔孟、老莊咁
我地要從兩者間對讀,發掘同異
為所學習嘅知識,繪畫地圖
否則一切都會煙消雲散,隨風而逝 

Saturday, July 29, 2017

[古代思想入門(二)ep.15]革命烈士:法術之士的悲劇 悲讀韓非子孤憤篇

秦王見<孤憤>﹑<五蠹>之書,曰:「嗟乎!寡人得見此人與之游,死不恨矣!」
——《史記.老子韓非列傳》


凡一革命,必有流血之烈士 
文化思想之革命,必伴隨社會之陣痛
流血、陣痛,始能誕生新之事物
由此,我地黎到韓非法家思想嘅最後一篇
孤憤,即孤行耿直,憤世嫉俗之意 

唔經唔覺,已經黎到最後一篇
我地讀過嘅韓非子篇章 
顯學篇:反對儒墨嘅主流思想
五蠹篇:進化歷史觀、自利人性觀、實效價值觀
定法篇:法、術之定義
難勢篇:勢之定義,提人設之勢
二柄篇:談賞罰為君術之重要工具
外儲說左上篇、六反篇:分析韓非如何控制人性
主道篇、解老篇、喻老篇:談韓非由道入法
愛臣篇:法家君主專制之提倡
說難篇:思想家進諫之困境

Friday, July 28, 2017

[古代思想入門(二)ep.14]龍之逆鱗!思想家進諫君主之難 細讀韓非子說難篇

李斯使人遺非藥,使自殺。韓非欲自陳,不得見。秦王後悔之,使人赦之,非已死矣。申子、韓子皆著書,傳於後世,學者多有。余獨悲韓子為說難而不能自脫耳。
——《史記.老子韓非列傳》


韓非思想以富國強兵之現實關懷為目標 
相對其餘先秦諸子,易於理解
我地對上咁多篇,已經點出韓非思想嘅整體架構
中主而治
法、術、勢
進化歷史觀、自利人性觀等
都一一說明,點出最重要嘅部份 

Wednesday, July 26, 2017

[古代思想入門(二)ep.13]結構性轉型:由封建制到君主專制 翻讀韓非子愛臣篇

法家所開出的政治格局就是由「廢封建,立郡縣」而完成「君主專制」的政體。大家不一定明白「君主專制」這政治格局的由來及其意義,這是法家配合春秋戰國時代政治社會之需要轉型而完成之,所開出的政治格局。法家人物現實感很強,因此能夠擔當時代所需要的工作。
——牟宗三

我地之前講過,法家思想的革命性有二:
一、否定前人主流思想,提出另一有力之論述
二、反對分封世襲制度,建立中央集權制度
前者係思想嘅革命,只係言說嘅話,無咁大影響力
後者係思想落實社會嘅呈現,影響到成個中國朝代發展
中國自始由秦至清,都係君主專制 

Monday, July 24, 2017

[古代思想入門(二)ep.12]由道入法:韓非與道家之同異 並讀韓非子主道篇、解老篇、喻老篇

道家有「虛靜」之說,以養智慧;韓子取之,以助其統治之術,於是人主以靜制動,以深智觀臣下之行事,而駕御益得方矣。
——勞思光


《史記.老子韓非列傳》: 
韓非者,韓之諸公子也。喜刑名法術之學,而其歸本於黃﹑老。
法家諸子,其實已經成日提道家學說 
好似之前提到嘅慎到正係一例
史記入面提到,韓非嘅學說來自道家
而韓非又有寫過三篇道家學說嘅文
係唔同篇章,都有反覆挪用道家概念 

Sunday, July 23, 2017

[日本俳句入門ep.4]同理之情:「我」與「物」的映照 並讀小林一茶三首俳句

講者若瞳

痩せ蛙負けるな一茶ここにあり
瘦蛙別輸啊,一茶在這裡


我と来て遊ぶや親のない雀
來與我玩吧,無親之雀


初蛍なぜ引返すおれだぞよ
初螢,為何往回,是我啊

Saturday, July 22, 2017

[古代思想入門(二)ep.11]簡介基本古代思想概念:性 兼讀韓非子外儲說左上篇、六反篇之控制人性的趨利避害

簡單的說,慎到和韓非關於人性的認識可以用「因勢自為」四個字表達,亦即因應情勢,人性人情總是尋求自己最方便,自己最舒適,以及自己最有利的方式展形具現。
——許雅棠

性,即係人性 
思想家點樣睇人嘅本性係好重要
係韓非之前之後,性都有好多唔同嘅討論
呢到只能簡介先秦諸子對性嘅定義
大抵可以分為四種類型 

Friday, July 21, 2017

[日本俳句入門ep.3]孤兒、孤苦、孤寂 讀小林一茶俳句

講者若瞳

孤の我は光らぬ蛍かな
孤兒的我是無光之螢啊


小林一茶嘅生涯可以話係艱苦崎嶇 
五歲喪母,十四歲時因與繼母個仔難於相處
比老豆送到江戶工作
二十九歲喪父,經歷十年嘅遺產之爭
五十二歲先結婚,之後經歷三次婚姻
生過三男一女但全部都不幸早夭…… 

Thursday, July 20, 2017

[古代思想入門(二)ep.10]為君之術,去除好惡 再讀韓非子二柄篇(二)

術者,藏之於胸中,以偶眾端,而潛御群臣者也。故法莫如顯,而術不欲見。
——韓非子難三篇


韓非子二柄篇共三段,主講君術
第一段講賞罰之權須操之於君
第二段講審合刑名以實施賞罰
去到今篇要講嘅第三段
法家講人性自私自利
竟然反轉要求君主去除好惡之情 

Wednesday, July 19, 2017

[古代思想入門(二)ep.9]賞罰之道,法、術、勢合一 細讀韓非子二柄篇(一)

柄,猶言權,二柄,謂賞罰之權也。賞罰之權須操之於君,猶物柄之須執於手也。
——《增訂韓非子校譯》

韓非成日講法、術、勢
雖然理論上我地可以將佢地分開
但係呢三樣嘢其實係不能分割,互為一體 
有法:則術、勢之發用,始有根據之標準
有術:則法、勢之固文,始有運用之方法
有勢:則法、術之執行,始有推動之力量

Monday, July 17, 2017

[現代藝術入門(一)ep.18] 進入亞爾高潮 解構梵谷的寂寞



梵谷成世人都講到七七八八啦,但淨低未講嘅先係最重要
我地一路以黎睇住梵谷學左咁多野,從佢讀書畫礦工農民,再去巴黎學習印象派點描派浮世繪,到最近搬入亞爾,終於講到晚期啦

我地前面一齊睇左咁多集,同梵谷經歷左咁多
都可以話係為左呢個時期而準備
點解話最重要?
因為基本上我地大眾對梵谷嘅認識都係黎自晚期嘅作品
雖然晚期只係從一八八八年二月到一八九零年七月,但晚期我地都會細分三個
向日葵,咖啡座,羅納河上的星夜等作品出自亞爾時期
星夜,鳶尾花,有絲柏的道路等作品出自聖雷米時期
嘉舍醫師的畫像,麥田群鴉,奧維爾教堂等作品出自奧維時期

[古代思想入門(二)ep.8]人設之勢:任賢不如任勢 再讀韓非子難勢篇(二)

韓子以為「生在上位」為「自然之勢」,此蓋為當時制度所蔽。本來由此可引出一制度問題,即「能否設一制度,使得勢者皆必以『賢』為條件?」但韓子不能深思,亦無意於改革根本制度,故竟以生而在上位為「自然之勢」。
——勞思光

上篇詳細咁講解前人對勢嘅睇法
前期法家慎到講,任勢位治世
儒家主張一定要由賢人治國
第三段就講,韓非對勢嘅睇法 

Sunday, July 16, 2017

[日本俳句入門ep.2] 小林一茶,人生最後的一眼 讀小林一茶俳句

講者若瞳
花の世を見すまして死ぬ仏かな
洞見花世,死之佛啊


讀小林一茶嘅俳句,會發現佢對小事物好有興趣
瘦蛙、蚊、虱等,都以關懷的嘅目光視之
如果係我地見到昆蟲可能覺得噁心  
但一茶對佢地有唔同嘅睇法
呢種異樣嘅觀察,呈現係呢句俳句
呢句係一茶人生最後所寫
六十四歲,正係佢逝世嘅一年 

Saturday, July 15, 2017

[古代思想入門(二)ep.7]簡介基本古代思想概念:勢 兼讀韓非子難勢篇(一)之慎到與儒家

勢治之起,基於尊君。封建盛世,君主與貴族世臣分權守位,上下相維各有定界,君主殆無獨尊之義。……儒家之尊君,意在矯臣強之失,非以尊君為政治之目的也。及權臣僭國,漸致富強,公族世臣,消亡殆盡,中央集權,已成事實,則君之受尊,遂有不得不然之勢。法家承認此新史實而加以說明,權勢之理論,於是成立。
——蕭公權


韓非子全書,有好多篇「難」嘅論文 
難一、難二、難三、難四篇
更有難言、說難篇
難,除左有困難之意
亦表達辯駁爭論、質詢疑難 

Friday, July 14, 2017

[日本俳句入門ep.1] 霎時的感興,俳句之魅力 讀小林一茶俳句

講者若瞳

秋の夜や旅の男の針仕事
秋夜啊,行旅男人的針線活


讀俳句嘅樂趣,在於佢嘅形式夠短 
我地可以想像俳人生活偶有所感,出口成句
不過因為呢種隨意,有時往往令人難以理解
如果讀得明,讀者可以睇見俳人嘅生活感受
剪裁或者零碎,卻更接近生活本身嘅模樣 

Monday, July 10, 2017

[古典文學入門(三)ep.38]但願人長久,千里共嬋娟 蘇東坡講後記

你睇咩書,建構你嘅心靈發展史
係偶然,係必然,每個人都會遇上鍾意嘅文學
係古典文學,東坡詞始終對我有獨特嘅意義 
正如每個人都無法忘懷嘅初戀
恰好係某一重要時刻,一句震撼心靈嘅句子
無形啟動蝴蝶效應,令人生走向迴異嘅方向
或者就係見到街頭景色,忽然駐足細看
因為你諗起一句東坡詞 

Sunday, July 9, 2017

[日本俳句入門前言] 無所不在的俳句,由日本短詩讀起

講者若瞳

各位巴絲打好,我係今次主題嘅講者若瞳 
之前德尼思化嘅平台
戈登探長已經講過中國詩詞
今次我地跳出中國,睇睇日本嘅俳句 

Saturday, July 8, 2017

[古代思想入門(二)ep.6]簡介基本古代思想概念:法、術 細讀韓非子定法篇之法術並重

韓非是戰國末年人,他已經將法家區分為重法、重術和重勢三派,分別以商鞅、申不害、慎到三人為代表;而且,進一步強調,法、術、勢三者相輔而相成,不可偏廢。韓非於「刑名法術之學」,兼取商鞅﹑申不害和慎到諸家,又頗申發己見,故學者譽之為集法家之大成。
——陳榮捷

韓非子嘅政治思想,係以君主為核心
儒家認為,君主要有仁德有修養,先可以治理好國家
但韓非就話:咁樣根本唔可行! 
要等賢人,有如守株待兔
即使等到明主,但下一個又會係明主咩?

Sunday, July 2, 2017

[古代思想入門(二)ep.5]功利務實:國家的五種蛀木蟲 再讀韓非子五蠹篇(三)

諸子百家當中,法家最為激進。它否認儒家的道德標準,也否認墨家的宗教規範,它相信的只是權力。除了人君以外,它不相信任何的權威,更不承認任何的前言往行。……古代的學派當中,它是唯一始終持續不斷,力反傳統的,它不崇拜儒者所尊奉的堯舜,或墨者所禮信的大禹等聖王。它瞻前而不反顧,創新而不墨守。浮言虛辭﹑空談仁義,它摒棄不用,只要求實在的事功。
——陳榮捷

韓非子呢篇名為五蠹
即係針對法家眼中五種有害國家嘅人 
《說文解字》段玉裁注:
蠹:木中蟲。在木中食木者也。今俗謂之蛀。
國家好似古人居住嘅木屋咁
木屋有蛀木蟲,變危樓隨時崩潰呀!