夫詩者，由情生者也。有必不可解之情，而後有必不可朽之詩。情所最先，莫如男女。
——袁枚
——袁枚
稼軒有三妻七妾
鄧廣銘《辛稼軒年譜》：
「侍女之可考者先後凡六人：曰整整、曰錢錢、曰田田、曰香香、曰卿卿、曰飛卿。」
另一首詞作入面，發現仲有位叫董嘅
但男人食得多家常便飯，都想叫吓外賣
正所謂：
唔滾唔知身體好
文人得閒上青樓，狎妓玩女好正常
一如晚唐嘅李商隱
稼軒都留下為數唔少嘅狎妓詞
簡單黎講
古有文人以詩詞紀念
今有冠希以相片留情
兩者嘅性質，係非常接近
稼軒對老婆、妾侍嘅詞
係相對注意感情，比較含蓄
作者因應書寫嘅對象投注唔同感情
稼軒寫妓女，係注重肉體嘅美
當然我地必須了解理到妓女未必係賣身嘅
好多時性質更接近今日香港嘅PTGF
陪笑陪笑陪食，各有風貌
稼軒 糖多令(淑景鬬清明)
淑景鬬清明，和風拂面輕。小杯盤同集郊坰。著個轎兒不肯上，須索要，大家行。
行步漸輕盈，行行語笑頻。鳳鞋兒微褪些根。忽地倚人陪笑道：「真個是，腳兒疼。」
淑景：美好時光
鬬：拼合
稼軒此詞，著力於妓女嘅姿態行為
大家一齊去郊遊，飲酒食三文治
點知條女撒嬌，唔肯上轎
係到話：不如我地行路啦
行吓又突然話腳痛
倚靠係人地身邊，笑住話痛
真係極力係到賣弄風情呀！
稼軒 一剪梅(歌罷尊空月墜西)
歌罷尊空月墜西。百花門外，煙翠霏微。絳紗籠燭照于飛。歸去來兮，歸去來兮。
酒入香顋分外宜。行行問道：「還肯相隨？」嬌羞無力應人遲：「何幸如之，何幸如之！」
呢首詞幾乎係到寫緊做愛嘅前戲
飲酒唱歌之後，已經係「月墜西」咁妟
係紗帳入面，燭光不斷隨住紗布飛舞
差唔多要返去，差不多要返去啦
酒香美人更香
意亂情迷
大家都就快忍唔住啦
稼軒問：
係咪仲想要我係到呀？
美人就成身無哂力咁答：
我有咁好運咩？真係榮幸之至！
稼軒 霜天曉角(旅興)
吳頭楚尾。一棹人千里。休說舊愁新恨，長亭樹，今如此！
宦游吾倦矣，玉人留我醉：明日萬花寒食，得且住，為佳耳。
吳頭楚尾：今江西北部，春秋時處於吳地長江嘅上游，楚地長江嘅下游，首尾互相銜接
好多時，生理慾望都係連結到心理
稼軒狎妓，緊係有男人嘅慾望
但同時間，都係借此擺脫自己嘅愁緒
題為：旅興
自然係出去玩果陣嘅艷遇啦
但係出去玩嘅時候
稼軒都仲係好煩悶，更講「休說舊愁新恨」
唔好再講現實種種嘅不堪啦！
長亭樹，係樹猶如此，人何以堪嘅意味
時光飛逝，而稼軒仲係無法一展抱負
呢一切痛苦，都係來自「宦游」
「吾倦矣」，故有「玉人留我醉」
今朝有酒今朝醉，暫時咁樣啦
美人係最好暫時忘卻家國煩憂嘅事物
醉臥溫柔鄉，爽呀！
No comments:
Post a Comment