[現代藝術入門（一）ep.17] 梵谷新歡—阿爾 舊作新畫法 細讀播種者

係1887年2月20號，梵谷離開左巴黎，向住法國南方小鎮阿爾（Arles）進發
就咁結束左唔夠兩年嘅巴黎生活


巴黎呢個藝術之都明明滿足哂梵谷嘅一切所需，點解佢仲要選擇離開呢

特別佢係呢兩年間受到好多方面嘅啟發
從新思想新畫法嘅印象派，擁有共同理念嘅畢沙羅，精準光學分析嘅秀拉，全新風格嘅日本浮世繪
每一種風格都係全新嘅認識，每一個都深深影響住梵谷嘅藝術之路


之不過呢一切都滿足唔到梵谷內心嘅野獸
梵谷嘅心擁有如火焰般嘅熱情，跟本無辦法一直寄養係其他人嘅影子之下
雖然以上每位都有過人之處，都有引人入性嘅格調
但對於梵谷黎講都係有一定程度嘅缺陷
對於梵谷而言，印象派莫奈同雷諾瓦都太過甜美，畢沙羅又太過安穩寧靜，連點描派嘅秀拉都太過理性有節制
佢地全部都無辦法臣服到梵谷，梵谷要嘅係更有生命，更直接，更感性嘅藝術風格
就好似佢嘅心一樣，每分每秒都係燃燒緊生命

所以佢要出走到好似火焰一樣咁燃燒嘅南方，尋找更亮烈嘅色彩，尋找更廣闊嘅麥田同星空
所以最終梵谷按耐不住自我內心嘅騷動，離開巴黎，前往充滿陽光同麥田嘅南方阿爾進發




19世紀末嘅法國，城鄉差距大，阿爾又係比較偏遠嘅小鎮，所以相對比較保守
搞到成村人都無法理解呢個外來人，一個行為怪異，精神失常嘅紅毛仔
特別係梵谷成日都拎住啲畫具係村入面走黎走去，田野間穿梭來回
又成日凝視住陽光下嘅農田發呆，樂此不疲

不過梵谷係真心非常鐘意呢個地方，佢感受到阿爾嘅環境比巴黎更具生命力

有佢最愛嘅麥田同陽光，而係咁多農民同土地嘅地方生活
再次激起畫佢偶像嘅畫，米勒(Jean-François Millet)

The Sower, 1850 Jean-Francois Millet


The Sower, 1881 Van Gogh


The Sower, 1888, Van Gogh

但呢個時期嘅梵谷己經唔再係形式上嘅模仿
而係從精神上啟發再進一步
對比起我地一開始睇嘅播種者，可以見到係技法同精神上有好明顯嘅分別
好明顯嘅點描派影響，梵谷改變成短促，規律，有方向嘅筆觸
而且係佈滿整個畫面，亳無喘息嘅空間

而用色方面更加係相當極端，基本上七成都係藍色，其餘三成都係金黃色系
呢幅畫嘅用色明顯係從秀拉所使用光影分析演變出黎
不過梵谷捨棄過分理性嘅分析，反而變得更直接更感性

另外係精神層面上，一樣如同米勒般歌頌農民與大地
但你會見到梵谷從完全不同嘅方向前進
佢無左米勒所畫嘅沉鬰，不滿，比較上係更傾向歌頌宗教所帶黎嘅生命
就呢幅畫黎講，梵谷表現夕陽時分，太陽觸及地平線當下，熱烈咁照耀大地，完全感受到太陽為生命而發亮光


係咁嘅環境下農民係田野間昂首闊步，以一個生命傳遞者嘅身分努力咁工作
整張畫嘅氛圍都充滿住生命力同朝氣
特別係呢個咁異常巨大嘅太陽底下，以播種者作為畫中主要人物
更加添加左一層生命與宗教嘅意義
梵谷畫呢張畫比我嘅感覺係想講
從神借用太陽大地等環境創造出人類，人再以農業播種去創造同維持更多嘅生命，成張畫嘅構圖都充分感受到呢種一層層嘅關係

睇完呢幅播種者之後，你好明顯咁區分到依家嘅梵谷同米勒之間嘅分別
雖然佢地畫嘅對像同目標係相同，特別係梵谷模仿緊米勒
但因為兩人思想上嘅區別，所畫出黎嘅播種者都有截然不同嘅感覺
梵谷係阿爾呢個時期，漸漸咁將模仿米勒轉變成專屬自己嘅風格
再一次從他人身上吸收其思想同經驗，再發展出個人風格

梵谷係一個目標明確，又強勢嘅人。
好多唔同嘅人和事都只係佢成長過程嘅踏腳石，佢無辦法停留係唔屬於自己嘅世界
不過去到一個新地方，再強勢嘅人都耐不住孤獨
梵谷比以前更加頻密咁書信，而且每封都寫得好長好仔細
寫比係巴黎嘅細佬，寫比佢最好嘅朋友高更同畢沙羅，寫哂比佢識嘅人
梵谷係阿爾所寫嘅信頻繁而美，佢係呢個咁陌生嘅地方忍受住窒息般嘅寂寞，寫住最長篇嘅獨白，細訴阿爾風景嘅優美，佢嘅所思所想


佢一路以黎所有瘋狂嘅行為，過分投入嘅感情
一切一切好似都表達緊佢非常愛阿爾呢個地方
但其實以上所有都係佢寂寞嘅反映
佢將全部心力都投放入感受阿爾呢個新地方，心底裏希望掩蓋住咁孤獨嘅諗法
加上阿爾嘅當地人並唔了解梵谷，覺得佢奇奇怪怪，係佢背後竊竊私語
呢種唔接納多多少少都增添左梵谷嘅孤獨同不安
不過有失必有得，佢因為成日寫信同收信，佢反而同當地嘅郵差成為左好朋友
話明係朋友，咁一定會幫佢畫啲肖像畫啦
係咁孤獨嘅情況之下，梵谷仲畫左好多幅


可見梵谷對呢個人有幾重視，不過主要都係因為呢個人對於梵谷黎講係唯一個一個連接到外面世界嘅人
梵谷就咁係阿爾過左一年