講者若瞳
之前德尼思化嘅平台
戈登探長已經講過中國詩詞
今次我地跳出中國，睇睇日本嘅俳句
如果有巴絲打對日本文化有興趣
可能都會知比俳句早嘅，其實仲有和歌
咁點解我地唔講和歌講俳句呢？
因為今時今日黎講
俳句嘅影響範圍好大
大到有漢俳、英俳、法俳之類
大家都好Like仿傚呢種詩歌
另外，就係因為俳句幾乎係現時最短嘅詩歌體裁
呢點相信好多人都聽講過
俳句就係由「五、七、五」三行
總共17個音節組成
再加上個季語，咁就係架喇
之後一首一首讀就會明
咁到底點解呢種咁短嘅詩歌
咁得人鍾意，甚至影響世界？
我地跟住就係要睇下
俳句其實寫嘅係乜野
希望大家第時去日本旅行
行行下係街邊見到有舊石寫左野
可以發現其實係古跡啦
甚至能夠細味當中日本文學之美
呢邊介紹埋一本好好嘅入門書
《芭蕉百句》，聯經出版
注解清晰，仲有靚圖
我呢個系列講解嘅徘句
好多都係黎自呢本書
大家有興趣可以買黎共讀
注：
俳句之俳，讀音係排列之排，唔係肥
No comments:
Post a Comment