已經可以大致掌握荀子基本又重要嘅思想概念
由勸學篇作為一個出發，我地已經就要開始「化性起偽」啦
即係更進一步去學習荀子針對外在客觀世界嘅睇法
咁呢，我地首先黎讀一篇有趣嘅非相篇
雖然呢一篇未必係荀子入面好重要
但係好能夠反映到荀子務實嘅思想
好似佢見到流星都唔驚咁
大家一齊睇荀子點好似一個有受過教育嘅人咁破除迷信啦
相人，古之人無有也，學者不道也。古者有姑布子卿，今之世梁有唐舉，相人之形狀顏色，而知其吉凶妖祥，世俗稱之。古之人無有也，學者不道也。故相形不如論心，論心不如擇術；形不勝心，心不勝術；術正而心順之，則形相雖惡而心術善，無害為君子也。形相雖善而心術惡，無害為小人也。君子之謂吉，小人之謂凶。故長短小大，善惡形相，非吉凶也。古之人無有也，學者不道也。
荀子一開波就插堆迷信嘅人
睇臉相而推測人嘅禍福，根本就係低能
好似「姑布子卿」同「唐舉」呢種人不學無術
「學者不道也」
真係有學識嘅人係唔會講呢種嘢
「故相形不如論心，論心不如擇術」
要點樣先可以知道人嘅禍福呢？
荀子話，睇樣都得架咩？
不如睇吓佢個心到底諗緊咩啦
但呢樣嘢又係好難睇得出
唔係個個好似荀子咁咩都寫哂出黎架嘛
所以最好嘅方法就係睇一個人待人接物嘅方法啦
呢到荀子嘅講法係好實際嘅：
待人接物嘅方法＞可以睇得出人嘅思想心態＞咁個樣係點，又有咩所謂喎
「故長短小大，善惡形相，非吉凶也」
西人云：Size doesn't matter
外表係點，都唔代表內涵係點嘅
「君子之謂吉，小人之謂凶」先係真理
咁多個長短
到家係邊到長，邊到短呢？
呢到係指身高，高矮
邊個高邊個矮，都影響唔到佢嘅德行
呢邊荀子舉左好多個人嘅樣子
孔子：個樣好似戴左個醜惡難看嘅驅邪面具
公旦：個身好似折斷嘅枯樹
皋陶：個樣好似無皮嘅瓜
閎夭：塊臉多毛到睇唔到個樣
傅說：個身瘦到作條柱咁
伊尹：塊臉一條毛都無，連眉毛都無
禹：斷左隻腿，行路跳吓跳吓咁
湯：半身偏枯
堯、舜：對眼有兩個並列嘅瞳仁
你的樣子如何，你的日子不必如何
「從者將論志意，比類文學邪？」
後人係會從佢地思想才學做比較？
「直將差長短，辨美惡，而相欺傲邪？」
定係會用佢地個身高樣子做比較呢？
今世俗之亂君，鄉曲之儇子，莫不美麗姚冶，奇衣婦飾，血氣態度擬於女子；婦人莫不願得以為夫，處女莫不願得以為士，棄其親家而欲奔之者，比肩並起。然而中君羞以為臣，中父羞以為子，中兄羞以為弟，中人羞以為友；俄則束乎有司而戮乎大市，莫不呼天啼哭，苦傷其今而後悔其始。是非容貌之患也。聞見之不眾，論議之卑爾。然則從者將孰可也？
儇子：MK仔
中：一般
俄則束乎有司而戮乎大市：好快就犯罪係大市中殺頭
荀子呢邊提左個好有趣嘅例子
大意係話，而家呢個世界好多MK仔
著到好型咁，係女都出哂水
甚至放棄哂自己嘅老公，都要去食MK仔咁
但正常嘅連登仔，係唔會鍾意呢種人
老闆唔會請佢，老豆唔會認佢
阿哥唔會認佢，朋友扮唔識佢
好快就會犯事比人殺頭架啦
堆囡囡而家先後悔已經太遲啦！
「是非容貌之患也。聞見之不眾，論議之卑爾。然則從者將孰可也？」
荀子指出，呢樣並唔係樣嘅問題
而係一個人點樣處事嘅問題
荀子最後問問大家：
而家係睇完呢篇非相之後
仲會去信臉相呢種事
定會去信一個人嘅言行舉止呢？
No comments:
Post a Comment