[古典文學入門（六）Ep.5]率真自然：青春最美麗的景緻 讀李清照如夢令(常記溪亭日暮)

昔人論詩詞，有景語、情語之別，不知一切景語皆情語也。
——王國維

https://www.youtube.com/watch?v=GPnymcrXgX0

如夢令

常記溪亭日暮，沉醉不知歸路。興盡晚回舟，誤入藕花深處。爭渡，爭渡，驚起一灘鷗鷺。

自然景色嘅存在，係需要我地抬頭發現
天上嘅繁星，邊顆先係你最亮眼的星？ 
忙碌之後，有冇試過望過令你無限好嘅夕陽？
相信你人生入面，一定有某個好靚嘅片刻 

李清照選擇將呢個片刻，凝結成詞
「常記」二字，深刻咁揭示：
片刻美麗嘅景色，會刻印係我地記憶 
就好似一首只係屬於我地嘅詩咁
隨時可以透過回憶，不斷回到現場 



常常憶記，溪亭日暮泛舟時
景色令人「沉醉」，故「不知歸路」 
我地不妨問：係咪真係唔知？
定係只為留係呢到更耐
而生出嘅不捨之句？
其他路都尚可記，唯有「歸路」不知 

「興盡晚回舟，誤入藕花深處」
愈留愈耐，終於到「興盡」之時
已經天色昏暗，快活不知時日過
船舟回程，竟然行錯入藕花深處 
正係上連「不知歸路」，互相呼應

「誤入」二字，最堪玩味
放係我地嘅人生，行錯有時令人傷心 
但有時行錯路，偏偏令我地見到更多
因為日日我地都行同一條路，睇一樣嘅嘢
「誤入」，正係揭示新嘅可能
可能係一片「藕花」美景 



「爭渡，爭渡，驚起一灘鷗鷺」
爭，解作怎樣、怎麼
詞人係到問：
要點樣，點樣先出得返去呢？ 
我地必須想像呢個動作嘅情境
少女置身小舟，小舟圍繞眾花
日暮斜光，花香撲鼻沉醉
歸路迷失係靚景靚花之中 

一再詢問，一再尋覓
其實絕無半點焦急
萬籟俱寂之際，驚起鷗鷺 
沿住清照之眼，我地見到眾鳥高飛
眾鳥高飛，又俯瞰詞人小舟
少女、小舟、群花、日暮
正係最美麗的青春景緻