[古典文學入門（六）前言]尋尋覓覓，冷冷清清，悽悽慘慘戚戚——李清照

女清照，詩文尤有稱於時，嫁趙挺之之子明誠，自號易安居士。
——《宋史．李格非傳》

各位巴絲打好，又係我黎同大家吹吓水  
2017我已經講過五個主題
魏晉陶淵明嘅《桃花源記》
劉義慶《世說新語》中竹林七賢嘅風流
晚唐李商隱嘅「此情可待追憶，只是當時已惘然」
北宋蘇東坡嘅赤壁三部曲
南宋辛棄疾嘅「驀然回首，那人卻在，燈火闌珊處」
讀後不禁為古典文學嘅美而傾心  

我地可以發現，講過嘅多位都係男人黎 
咁到底女人去哂邊呢？
2018，我地一齊讀女人嘅作品啦！
清代楊文斌編咗本書叫《三李詞》
即係李白、李後主、李清照嘅詞作
李白、李後主係男人，李清照係女人
係男尊女卑，女人無得點見識世面嘅古代
只有極少嘅女人可以係中國文學史入面留名 
李清照，可謂當中最知名、最耀眼嘅女性代表



透過講解李清照，講解佢嘅詞作
我地既可以知道點解中國文學重男輕女 
又會發現李清照可以係咁嘅情況入面
都依然能夠史上留名嘅原因
連我地嘅教科書都仲有佢嘅：
尋尋覓覓，冷冷清清，悽悽慘慘戚戚。
只恐雙溪舴艋舟，載不動，許多愁。
真係大家隨口都背得出架！ 

好多人都知李清照最出名嘅係愛情詞
同趙明誠嘅幸福日子，好鬼浪漫
不過到底有幾幸福，又係咪真係咁完美？ 
李清照又為老公付出咗幾多？

係我地讀過嘅蘇東坡、辛棄疾入面
李清照係東坡死後，稼軒生前活躍
以獨特嘅女性角度見證北宋滅亡 
佢嘅筆下，原來唔單止得兒女私情
原來仲有好多好多唔同作品
唔知各位又知幾多呢？ 



李清照嘅一生，真係多姿多彩
同時更係多災多難
童年、青年嘅李清照係點嘅？ 
佢嘅家庭又點樣培育佢？
結婚之後，老公無耐就死咗
佢又有冇另覓對象？ 
除咗寫詩寫詞寫文之外
李清照仲有咩其他興趣？
以上呢一切嘅疑問
我都會係之後一一解答

李清照係中國文學史少數嘅女性
讀佢嘅詞作，有女性主義成日講嘅「陰性」特質
比起好多男性文學家，更加有佢獨特嘅風格
希望透過李清照嘅作品，比大家睇見古典文學另一面
係男人主導世界之外，女性真實嘅情感思維
最後，希望唔會悶親大家啦！ 

2018年，雖然好似忙咗，但都唔會我開Post 
巴絲打嘅支持，絕對有助我持續出文
一切發表嘅文章、分類、難易度
都可以因應興趣入去我地嘅Blog睇：
http://deliver90.blogspot.tw/
最好Like埋我地個Page啦：
https://www.facebook.com/%E5%BE%B7%E5%B0%BC%E6%80%9D%E5%8C%96-1410350102358414/

歡迎大家正皮、留名，有助更新出文！
【古典文學】你不認識的陶淵明，永垂不朽的文學世界（已完）：
https://lihkg.com/thread/244538/page/1
【古典文學】此情可待成追憶，只是當時已惘然——李商隱（已完）：
https://lihkg.com/thread/245419/page/1
【宋詞趣談】小二，黎一碗東坡肉！！！(多圖餓撚勿入)（已完）：
https://lihkg.com/thread/249810/page/1
【古典文學】驀然回首，那人卻在，燈火闌珊處——詞中之龍辛稼軒（已完）：
https://lihkg.com/thread/341146/page/1
[古代思想入門（一）]黑暗儒家心法之荀子（已完）：
https://lihkg.com/thread/144278/page/1
【先秦法家】由Walking dead開始，進入韓非子嘅革命思想（已完）：
https://lihkg.com/thread/467487/page/1
【古典小說】竹林七賢係古代MK仔？用《世說新語》講比你知（已完）！
https://lihkg.com/thread/279664/page/1
【藝術賞析】集狂人、詩人、情人於一身 —— 梵谷Van Gogh（現在進行式）：
https://lihkg.com/thread/246863/page/1
【日本俳句】小丸子，HUNTER×HUNTER，人中之龍（待續）
https://lihkg.com/thread/314800/page/1
【文學亂曰】點樣睇得明古典文學？詩詞散文有趣概念逐個講（待續）！
https://lihkg.com/thread/459049/page/1